86v

Et aucune, senefiance
Ce truevent astronomien
Si comme faute daucun bien
Chier tans, ou guerre, ou destrois
Ou mort de princes ou derois
Qui avenir doivent en terre
Tant com raisons en puer en querre
Se leclypse qui si grans fu
Senefia la mort ihesu
Il dut avenir autrement
Por dieu que por nule autre gent
Sires, et rois, ert par droiture
Si fait et desfait par nature
Li autre par nature avienent
Quen terre lor vertus retienent
Des choses qui sont avenir
Si com il convient tout fenir
Quanquil a en terre briement
Diex ne fist pas le firmament
Ne les estoiles, por noient
Qui desor nous vont tornoiant
Chascune selonc, son avenant
Ains lor donna nous, et vertus
En ciel et en terre, ca jus
Chascune selonc, sa poissance
En toute riens, qui a naissance
Nest riens, qui nait aucun pooir
Itel com ele doit avoir
Si lairons or, atant ester
Des eclypses, por raconter

[lower margin, quire number: .xi.^us]