87r

De la vertu dou firmament
Et des estoiles, ensement
Qui bien ensavroit, les vertus
Il savroit quanquil a, ca jus
Par raison de toute nature
Com bien la chose, fust obscure
De la vertu dou ciel et des estoiles li .vi. capitles
OR oies de cele science
Par quoi on vient, a sapience
Des choses connoistre, et enquerre
Qui pueent, avenir en terre
Par oevre, de droite nature
Qui par le monde se figure
Li ciels, et les estoiles sont
Estrumant, de nature amont
Par quoi ele oevre, tout ades
Si com diex veut, et long et pres
De tout ice a connoissance
Qui set connoistre la poissance
Des estoiles qui ou ciel sont
Qui en terre, lor vertus ont
Que diex otroia a chascune
Et au solail, et ala lune
Qui au monde font clarte pure
Et par qui riens, ne vient obscure
Car par eles naist, et morront
Toute riens, qui en cest mont sont
Qui fin ont, et commencement
Ensi le vient diex, et consent
Toutes diversetes, qui sont

[initial: 8th row, opening initial /D/, 2 lines, in red with blue pen flourishing]