88r

User, et veoir quil feroit
Molt porroit, veoir de samblances
Et de diverses, connoissances
Es autres gens, qui ci seroient
Qui remuer, ne se porroient
Se movement, ou ciel neust
Il nest riens, qui vivre peust
En terre, car diex ne vauroit
Qui tout vieut establir adroit
Ensi vieut diex, former le monde
En cui toute, vertus habonde
Ains riens par lui, faite ne fu
A cui il ne donnast, vertu
Tele com ele doit avoir
Autrement eust il por voir
Faite aucune riens por noient
Et sans raison outreement
Mais il nele fist par ainsi
Car nule riens, ne li failli
Les estoiles, fist et crea
Et chascune vertu donna
Et qui ensi, nele vielt croire
En lui na, raison ne memoire
Car nous veons apertement
Que la lune, lumiere prent
Au solail, et quant ele est plainne
Si na li hom, membre ne vainne
Qui plus ne soit, plainne dumors
Que quant ele chiet, endecors
Ausi avient, de toutes bestes