91r

Par quoi li solaus, et la lune
Et la terre, et li firmamens
Sont mesure, et hors et ens
Combien chascuns, a de longor
Et combien il a de grandour
De terre dus quau firmament
Et des estoiles ensement
Car cest trove, par droit esgart
Et cil qui troverent cest art
Virent que il ne peurent mie
Savoir adroit, dastronomie
Ne des estoiles lor nature
Sans riens savoir, de lor mesure
por ce le vaurent, mesurer
Et toute la grandor prover
Comment et por quoi on mesura le monde li .vii. capitles
QUi primes volrent la grandor
Dou monde, mesurer entor
La terre premier mesurerent
Par quoi la hautesce troverent
Des estoiles, et la grandor
Et dou firmament tout entor
Car ne seurent aillors trover
Plus grant mesure, amesurer
Quant la terre eurent, mesuree
Si com ele est en viron lee
Senquierent, de lalune apres
Et come ele a, parmi despes
Por ce que cest la plus prochainne
De la terrre, et la p* mains hautainne

[initial: 17th row, opening initial /Q/, 5 lines, in blue with red pen flourishing]

[*Possible scribal error: single letter "p"; an abbreviation for "par" missing?]