92v

Que nus des autres, dont il fist
Maint livre, et maint bel estrument
Par quoi on prueve apertement
De terre, toute la grandesce
Et dou firmament la hautesce
Comment les estoiles, lors cors
Font ades, de nuit et de jors
Par lui furent, trove le premiers
Li orloge, de ces moustiers
Qui les eures, dou jor commencent
Et des nuis, comment se contencent
Qui bien ont mestier es eglises
Por miex faire ades les services
De jors, et de nuit, adroite eure
Car diex aime molt que on eure
Et con le serve, entierement
Chascun jor, ordeneement
Car les orisons con recite
Chascun jor adroite eure eslite
Plaisent adieu plus que ne font
Celes qui endivers lieus sont
Dites lun jor tost, lautre tart
Et miex les prent diex asa part
Por ce avroient, bien mestier
Li orloge en chascun moustier
Nes les gens en avroient miex
Selonc dieu, et alor cors viex
Et plus longement en vivroient
Sa un droit point se contenoient
Dovrer, de mengier, dautre afaire