93v

Si sont ore maint home mort
Que se lor afaire, eussent
Ordenes, si com il deussent
Chascun jor a eure establie
Qui encore fussent en vie
Riche, poissant, et sain et fort
Ensi se hastent de lor mort
Car nature, ne puet soufrir
Longement divers maintenir
Ne les soudainnes remuances
Quil font par lor foles enfances
Ne adieu ne plaisent de rien
Car il nen puet venir nul bien
Plus aiment gaaig davoir faire
Que chose qua dieu peust plaire
Ja par ordre rien ne feront
Un jor matin au moustier vont
Lautre jor tart, ou atel eure
Quil cuident que trop lor demeure
Delor autre besoigne faire
Dont il cuident lor gaaing faire
Ensi niront ja dieu proier
Fors quant mains cuident gaaingnier
Et mains gaaingnent il sans faille
Car il servent dieu de la paille
Et tel paille lor enrendra
Que lor painne chier lor vendra
Dont il le laissent a servir
Quen un seul jor lor puet merir
Plus que gaaignier ne porroient