94v

Et amal faire, les ataint
Dont en perdicion les mainne
Ne jamais ni seront sans painne
Ne ja bien, ne joie navront
Cil sont fol, qui ensi le font
Car il naront jamais merci
Mais de ce nous tairons ici
Dirons dou roi tholomeu
Qui tout son tans mist envers dieu
Tant quil enseut, une partie
Dont maint livre, fist ensa vie
De ces livres furent estrait
Li nombre, dont li an sont fait
Et cil de la lune meisme
Par quoi on set, quant ele est prime
Dont Julius, cesar fist somme
Qui fu empereres de romme
Qua sainte eglise, agrant mestier
Cest li compos, dou kalendier
Car par le kalendier set an
Le cors de la lune, et de lan
Par quoi on set comment on doit
Vivre chascun jor selonc droit
En mengier, et en labourer
Et en damedieu, aourer
As simples jors, et as hautains
Et en trestous tans cest doummains
Selonc lordre de sainte eglise
Que li saint dieu i ont assise
Par lui savons nous les sains tans

[lower margin, quire number: .xij.^us]