107v

Et planetes, et firmament
Puis la terre premierement
Volrent apres ce mesurer
La lune, et sa grandor prover
Si troverent, que tous li cors
De toute la terre, ens et hors
Qui fu lor mesure commune
Plus grant que le cors de la lune
.Xxix. tans, et un peu plus
Est de la tere, si loing ensus
.Xxiiij. tans et demi
Com la terre a despes parmi
Et les .v. deusismes dun tans
Tant a sa hautesce de grant
Dou solail par demoustroison
Proverent il et par raison
Quil est plus grans enson assis
Par cent fois, et .lxvi.
Que toute la terre, ne soit
Mais qui nel set, petit le croit
Et si est prove, par maistrie
Et par cials de geometrie
Dont puis se sont pene pluisor
Qui se doutoient de lesror
Sensi pooit voirs estre ou non
Tant quil proverent, par raison
Que cil eurent dit verite
Et dou haut, et de quantite
Nes je qui cest escrit enfis
Mentente, et mon sens tant imis