34r

[Column A]

Si la deseche & si en tret
La moistor q[ui] o lui sen vait
Mes cest une sotil moistor
Q[ui] p[our] prent & a no[n] vaspor
& monte iusq[ue] en lair emmi
Si sa semble & revient iqui
E petit & petit en vient
Q[ue] obcure & espesse devient
Tant q[ue] le nos tout la veue
Dou souleilg & tel chose est nue
Mes nest pas si g[ra]nt obcurte
Q[ui] dovior nos toille clarte
& q[ua]nt trop espese devient
Se nist eue q[uant] t[er]re vient
& la nue blanche demore
Fors li soulauz q[ui] est desore
Luist p[ar]mi sele nest trop noire
Ainsint co[m]me p[ar]mi un voirre
Si co[m] dune chandoille esprise
Q[ui] dedenz la lant[er]ne est mise
& clarte donne p[ar] de fors
& se ne voit lempas son cors
Aussint luist li soulauz p[ar]mi
La nue qui est desus li
& nos rent la clarte douior
Tant co[m] sor t[er]re rent luor
Mes la nue quespoisse ades
Semble touz jors p[re]s & apres
Tant q[ue] noire & moiste devient
Lors sen ist eue qui sen vient
Jusq[ue] a t[er]re ainsi nest la pluie

[Column B]

& qu[an]t toute est aval cheue
P[ar] coi la moistor se restanche
Lors pert la nue clere & blanche
Car legiere est & mo[n]te en haut
Tant q[ue] en la fin dou tout defaut
P[ar] le chaut dou souleilg amont
Q[ui] li co[m] sent & [a?] co[m] font
Lors revoit len lair cler & pur
& le ciel bel si co[m]me azur
De t[er]re nest & nue & pluie
Si co[m] dou drap q[ue] au feu essuie
Q[ui] moillez est & sa chalors
Boute cele fumee fors
Q[ui] p[ar] le feu senvait ensus
Q[ui] lors tendroit sa main desus
P[ar] cele vapor sentiroit
Q[ue] sa main li enmoi tiroit
Tant q[ue] eue en charoit goute a goute
Ainsint v[ous] di p[ar] tel couvent
Q[ue] nue & pluie nest souvent
& de la monteplie bie[n] Des geleez &
Q[ua]nt il veult p[ar] croistre le bien des noiz
LEs gelees & les g[ra]nz nois
avienent p[ar] lair q[ui] est frois
Ou mileu pl[us] quil nest aillors
Si co[m]me v[ous] veez toz jorz
De monz qui sient en haut leu
Ainsint co[m]me aus mons de Mo[n] Geu
& en autres hautes mo[n]taignes
Q[ue] pl[us] ia de nois q[ue] au plaignes
Tout ce avient p[ar] la froideur