BnF. Département des manuscrits. Français 2173

[Column A]

C(9-line ill. cap with Jesus holding the spheres of the universe against a gold background) ist livres de clergie enrouma[n]z qui est apelez ymage dou mo[n]de Contient p[ar] tout. Iv chapitres & xviii figures. Sanz quoi li livres ne pouroit pas legierem[en]t estre entendus qui est deuisez p[ar] iii p[ar]ties. La premiere p[ar]tie contien xiiii chapitres & viii figures sanz le prologue Li premiers chapitres e[st] de la poisance deu Li secons p[our]coi dex fist le monde Li tiers p[our]coi dex fist lo[m]me a sa samblance Li .iiii. dex ne fist lo[m]me tel q[ui]l ne peust pechier Li V. p[our]coi & coument les vii. arz furent trouvees & de lor ordre Li .Vi. des .iii. manieres de genz q[ue] li filosophe poserent au mo[n]de & coume[n]t clergie vint en france

[Column B]

Li Vii. de la maniere des .Vii. arz Li .Viii. de nature [com]mente le oeuvre \ & et que cest L .ix. de la forme dou firma- & q[ue] cest ment. [???] Li .x. coument li .iiii. elem[en]t st[] a[??]sis Li .xi. coument la t[er]re se tient emmi le monde Li .xii. quele la reondece de lat [er]re est Li .xiii. p[our]coi dex fist le mo[n]de reont Li .xiiii. de linelete doucors dou firmament & des Vii p[lanetes] La seconde p[ar]tie contient .xxix. chapitres & ix. figures. Li premiers chapitres e[st] coum[en]t la t[er]re est devisee en diverses p[ar]ies & q[ue] le p[ar]t ele est abitee La seconde la mapemonde conmence siest daice la g[ra]nt dou pardis terrestre ou il si et dyn de la diversere des genz & des betes des pieres des contrees daise la menor des genz des poissa[n]s & des arbres qui la sont Li tiers est de europe & de ses regions Li iiii daufriq[ue] & de ses contrees. Li .V. des illes & de lor choses. Li .vi. des choses de erope & daufriq[ue] de la maniere des bestes & des oisiax qui sont Li Vii. de suertuz dautunes

[Column A]

choses communes Li .viii. ou enfers siet & que le chose ce est Li ix porquoi leue cort p[ar] la t[er]re Li .x porquo eue douce & salee noire & chaude & envenimee [line below:] sort Li xi si est des div[er]ses fo[n]tai- [line below:] nes Li xii coument la terre crolle Li .xiii. coument la mers de- [line above:] vie[n]t salee Li xiiii la lair & de sa n{a}ture Li .xv. coument nues & pluie^s gelees & nois grelles & tempestes es pars & tounoirres avient Li xvi coument livent nais- [line above:] sent Li .xvii dou feu & des estoilles qui semblent corre & cheoir & dou dragon q[ue] ce est Li xviii. dou pur air & coum[en]t les .vii. planetes i sont asises Li xix. des estoilles & de la concordance dou cor dou firmam[en]t La tierce p[ar]tie contient .xv chap[itres] & .ix. figures Li premiers chapitres est coument il est jors & nuiz & p[our]coi len ne voit les estoilles de jorz & le souleilg de nuiz Li .ii coument la lune recoit div[er]sement lumiere

[Column B]

Li iii com[en]t les eclipses de la lune avienent Li iiii. des eclipses dou souleilg Li v. des eclipses qui avint a la mort [Jesus] Crist Li vi de la v[er]tu dou ciel & des estoile^s Li vii coum[en]t len mesura le mo[n]de & porquoi Li viii. dou roi Tholomeu & des autres philosophes Li ix coument len sauva les clergies por le deluge Li .x. de ceus qui retrouverent les clergies ap[re]s le deluge Li .xi. des merveilles q[ue] vergiles fist p[ar] autronomie Li xii p[our]coi mounoie fu establie Li xiii des philosophes qui cerchoient le monde p[our] aprende Li xiiii. des philosophes & de la response Platon Li xv [com]bien la t[er]re a de lonc environ & despes p[ar]mi Li xvi co[m]bien la lune & li soulauz contient de g[ra]nt & de haut chaucuns en droit soi Li xvii de la grandor & de la hautece des estoilles Li xviii dou nombre des estoilles & des ymages qui les formient ou ciel

[Column A]

Li xix de la grandor dou firmam[en]t & dou ciel qui est desus Li xx dou ciel cristalin & dou ciel empierre Li xxi. dou celestien p[ar]adis & de son estre Li xxii li daharains siest li recor[s] ou la recapitulations est des choses devant dites Q(7-lines. blue with pink surround. Interior is gold leaf with figure-eight in pink filled with blue and red leaves. Tail of the Q is a dragon dropping 8 lines down in the left margin) ui bien veult entendre cest livre & savoir co[m]ment il doit vivre & aprendre tele clergie Dont mielz vaille toute savie Sil elise premierement & a des ordeneement Si quil ne lise riens avant Sil nentent ce q[ui] est devant Ainsint porra cest luire apre[n]dre Quautrem[en]t nel puet nus e[n]te[n]dre Qui vest entendre acest coume[n]z Si puet aprendre en cest rouma[n]z G[ra]nt p[ar]tie de la faiture Du mo[n]t [com]ment p[ar] ^et quel nature Fu faiz de dex ^et acompliz

[Column B]

& p[our]coi il fu establiz Dont il nos fist si g[ra]nt bonte Q[ue] ja riens neussiens este Mes fussiez ausint co[m] p[ar]du Come ce qui onques ne fu Si prions au coumencem[en]t A dex le roi omnipotent Q[ue]n cest livre nos doint ente[n]dre Tel bie[n] & tel sience aprendre Quil nos conduie & nos ama[n]it En son p[ar]adis ou il maint & nos doint sa grace & samor Q[ue] conq[ue]re empuissons en nor Si dirons audit premerain Dou glorieus dou soverain De la poissance dieu Q[ua]nt dex fist lemo[n]de premiers il ne li estoit nus mestiers Autant ot auant co[m]me ap[re]s Diex fu & est & ert ades Il ne sen amenda de riens Conq[ue]s neli failli nus biens Tout voit tout tient en une mai[n] Il not onq[ue]s ne soif ne fain Netanz nemois neior ne hore Car touz jors en touz biens demore A lui & tost & tart afiert Q[ua]nt conques fu & est & ert Liest devant les euz ades Aussi bien li loig co[m] li pres Tout aussi le mo[n]de veoit

[Column A]

Ainz que il fust co[m] orendroit Sil neust onq[ue]s fait le mo[n]de Autretant vausist il adonq[ue] Co[m]me il puet james valoir miaz Q[u]aut[re]m[en]t ne fust il pas Dex Se tot ne veist & feist Quanq[ue] jamais est^e pouist Q[u]ausint fust il defaillanz Daucune i jens & no[n] puissanz & de tant fust il Dex mortex Mes sa nat[ur]e nest pas tex Quil est Fex enterinem[en]t Sanz fin & sanz coume[n]cem[en]t Riens ne li est viez ne novel Touz jorz li est plaisa[n]t & bel Car tuit bie[n] sou sue[n] p[ar] droiture & a lui sen vont p[ar] nature Tuit de lui vindre[n]t & tuit mene[n]t & v[er]s lui lor droit chemin tiene[n]t Il naura ja de nul mal cure Car sa bontez est toute pure Toute nete saint{is}ime & saine Sanz mal sa[n]z rie[n] de male vaine Tuit li mal li sont a [con]traire P[our] ce les covient en sus traire De lui & de tretouz sez biens Quar ce nest fors ordure & fiens Sez covient descendre en p[ar] font & le bie[n] demourer amont Devant Dex q[ui] est clers & purs Le mal qui est laiz & oscurs

[Column B]

& tenebres sor toute rien Descent aval & laist le bien Car ce couvient il p[ar] nature Ausint co[m] lenvoit de lordure Dou vin q[ua]nt est mis ou vaisel Q[ue] li lez se d[?] dou bel Si quen haut demore li bons & la lie se trait au fons Qui mavese est & riens ne vaut & li bons qui demore en haut Devient touz jorz & clers & nez & li maves ocurs & lais Tant co[m] li bons plus clers se tie[n]t De tant plus la lie retient Dordure & de maleurtez & ab des plus des obcurtez Ausint est dou bien & do mal Le mal couvient descendre aval En lⁱeu tenebros & orrible & de toutes dolors penible & le bien [con]vient estre amont Devant Dex car tuit bie[n] i sont & q[ua]nt li biens plus esclarcist Devant Dex & plus ses joist Tant a li maus pl[us] docurte & de dolor & de vilte En enfer ou il ert touz diz Tant co[m] Dex ert em p[ar]adiz Ou Dex a touz bie[n]s deva[n]t lui & touz jors aura sanz anui Touz les a toz les enlumine

[Column A]

Sanz de faute & sanz nul t[er]mine Dex puet tout deffaire & refaire Sanz riens muer de son afaire Carquanq[ue] il velt a & puet Nule riens en lui ne semuet Estables est sanz movem[en]t De lui mueve[n]t tuit movem[en]t C.m. anz ne li montent mie A la .c. milesme p[ar]tie Dune seule ore de cest mo[n]t Na touz ciaus quen p[ar]adis sont Car li mendres q[ui] la demeure A plus de bien dedenz une heure Joie ennor deduit & soulas Dont il ne sera james las Q[ue] nus hom penser ne pouroit En mil anz se il tant duroit Li plus soutis qui onq[ue]s fust Si pensast au miaus q[ui]l peust De cele gloire est dex touz sires [Com]me dex q[ue] vaudroit li dires Car tout set q[uan]q[u]est & q[uan]q[u]ert & tout quanq[ue] a chaucu[n] a fiert Onq[ue]s nuz biens ne li failli Ades les a touz devant lui Uns biens ne fu ne ja nert fes Qui devant dex ne soit portraiz Ancois q[ue] le monde feust Droez p[our]coi il le fist p[our]coi dex fist le monde Dex fist le monde a son voloir p[our]coi que il peust avoir

[Column B]

Aucune riens q[ui] soue fust Qui ses biens desevir peust Sil ne peri soient p[ar] li & p[our]coi cest ^{ce a} monde establi Non pas p[our] ce q[ue] mielz ^lui en fust Neq[ue] nul besoig en eust En cois le fist p[ar]charite & p[ar] g[ra]nt debonairete & si volt q[ue] homs t[er]riens P[ar]tist a lui & asez biens & q[ue] toute autre creature Chaucune selonc sa nature P[ar] sa poissance se tenist Selonc q[ue] li ap[ar]tenist Ansint vost cest mo[n]de establir Q[ue] tel chose e[st] peust oissir Qui peust & oir [?] & veoir La noblece de so[n] povoir De sapience & de son bien Quil fist p[ar] home t[er]rien & q[u]ainsint peust servir Q[ue] p[ar] droit peust de servir Les biens quil avoit fait p[ar] lui Si devons m[ou]lt amer ce lui Qui nos fist & bo[n] gre savoir Q[ua]nt il nos donna tel savoir Q[ue] se nos amer le voulons De touz sez biens seignors serons Si lamons si ferons q[ue] sages Ou nos i aurons g[ra]nt damages Se nos p[ar] dons touz ices biens

[Initial: Column a, line 30, a 2-line initial D in blue with pen flourishing in red.]