38r

[Column A]

Quen t[er]re nait sa v[er]tu quite
En herbe ou en fruit ou en flor
Soit de feture ou de coulor
Ou de quel chose q[ue] ce soit
Na riens en t[er]re questre i doit
Ne qui en lui praigne nesce[n]ce
Q[ue] estoille ni ait poissance
P[ar] nature soit male ou bone
I tele co[m]me Dex li donne
P[our] les planetes ou firmament

[Image]

Soit ceste figure p[re]sent
dEs puis quen cest secont escrit
avo[n]s le firmament descrit
Si dirons apres daucun cas
Q[ui] avienent & haut & bas
& dou firmament la mesure
P[our] miex entendre sa faiture
De ce quest sus le firmam[en]t
& de p[ar]adis ensement
Ci [com]mence la tierce p[ar]tie de cest livre
ni ceste tierce p[ar]tie
Finerons ceste astronomie
& v[ous] dirons premierem[e]nt
Com[en]t jorz & nuiz le p[our] prent

[Column B]

P[our] les eclipses fere entendre
& autres choses p[our] aprendre
Coum[en]t il est jor e nuit
Li soulaus entre nuit & jor
fet environ la t[er]re un tor
& vet igalm[en]t chascune hore
Tant q[ue] desus t[er]re demoure
Si avons dou jor le deduit
Q[ue][ua]nt desouz est si avons nuit
Sico[m] lon alast tornoiant
.I. chandoile toute ardant
Environ sa t[er]re en som poig
Ou entor une pome a loig
La p[ar]tie q[ui] pl[us] adroit
Dev[er]s la chandoile seroit
Seroit enluminee ades
& cele qui mains seroit p[re]s
P[ar] dautre p[ar]t seroit obscure
Ausint li soulaus p[ar] nature
Fait sor t[er]re jor & nuit nestre
P[ar] dev[er]s lui fait le jor estre
& dautre p[ar]t laisse ombroieuse
La t[er]re qui est tenebreuse
Ainsint laisse ombre cele p[ar]t
Ou il ne puet avoir regart
& cest li ombres de la nuit
Q[ui] dou jor nos tout le deduit
Mes p[our] ce q[ue] li soulauz est
Plus g[ra]nz q[ue] la t[er]re ne est
Vet li ombres agrelisant
Si q[ue] en la fin vient anoient
A la maniere dun clochier

Image description: Red ink drawing depicting shows the planets, including the sun and moon, labelled in black ink, surrounded by an outer layer labelled 'firmament'.