41r

[Column A]

Avenir cele p[ar]t sor t[er]re
Ou endroit le souleilg se serre
Con cil qui lors sont cele p[ar]t
Ont lombre derier lor esgart
Mes nap[er]t pas [com]munement
P[ar] tout le monde a toute gent
Car la lune si g[ra]nz nest mie
Con la t[er]re de g[ra]nt p[ar]tie
P[our] ce pas toute ne sombroie
Fors la ou ele chiet en voie
De la ligne que[n]droit se serre
P[ar]mi le souleilg & la t[er]re
Dont li philosophes souloient
Aler la ou il la savoient
Q[ui] lavoient quis p[ar] lor sens
P[our] prover les jors & les tems
& les choses quen avenoient
Dont mains afaires esprovoie[n]t
P[our] coi il p[ri]soient Dex pl[us]
Ainsint veons nos de ca jus
Leclipse dou souleilg sor nos
Q[ua]nt la lune est adroit desoz
Tant q[ue] la lune soit pl[us] basse
Q[ue] li soulauz la ligne passe
& sen vet ades esloignant
Tant quil apert si co[m] devant
& la lune q[ui] vet ades
P[er]t cornue •iii• jors apres
De ceste eclipse povez ci
Entendre quanq[ue] aves oi
De leclipse q[ui] avint a la mort •J[hes]u • [Christ]i•

[Column B]

[Image]
Ausint con la lune nos tout
le souleilg ausint nos retout
La t[er]re sa clarte souvent
Si co[m] oi avez devant
Mes eclipse estre ne povroit
De la lune p[our] riens qui soit
Fors lors q[ua]nt ele ap[er]t p[lus] plaine
Ne dou souleilg p[our] nule paine
Fors en defaute de la lune
Se Dex qui puet muer chascune
Chose• & refair a som plaisir
Ne faisoit ausint avenir
Ausint co[m]me il fist cele fois
Q[ua]nt Jh[es]u Crist morut en c[r]ors
Q[ue] la clarte[z] dou ior failli
Si co[m]me entre no[n]ne & midi
& si estoit la lune ensus
Dou souleilg co[m]me ele pot pl[us]
Comme cele qui plaine estoit
& desouz t[er]re demouroit
Aillors & fu li jors obscurs
Com nuiz co[m] pl[us] doit estre pl[us]
Do[n]t •S[aint]• Denis q[ui or]e est en France
Quen Gresse estoit o[t] g[ra]nt douta[n]ce

Image description: Red ink drawing of a solar eclipse on top right of page, from lines 1–7, with black shading to indicate shadows cast by the moon and earth. Intact labels are "lune" (center of diagram) and "t[er]re" (lower right); remnants of "sol" in upper left, at the edge of the trimmed page.