42r

[Column A]

Ainz lor donna nons & v[er]tuz
En ciel & en t[er]re ca jus
Chascune selonc sa poissance
En toute rien q[ui] a nessance
Nest riens qui nait aucu[n] povoir
Tel come ele le doit avoir
Se lairons ore atant ester
De leclipse p[our] raconter
De la v[er]tu dou firmam[en]t
& des estoiles ensement
Q[ui] bien en savroit les v[er]tuz
Il savroit qua[n]que il vient ca jus
P[ar] raison de droite nature
Quant q[ue] la chose fust obscure de la
Or oez de cele science v[er]tu dou ciel e
p[ar] quoi len vient a sapie[n]ce d[es] estoiles
Des choses conoistre & e[n]qu[er]re
Q[ui] puent avenir en t[er]re
P[ar] oevre de droite nature
Q[ui] p[ar] le monde se figure
Li ciaus & les estoiles sont
Instrumenz de nature a mo[n]t
P[ar] coi ele oevre tout ades
Si co[m] Dex velt & loig & p[re]s
De tout ce a la connoissance
Q[ui] set connoistre la poissance
Des estoilles q[ui] on ciel sont
Q[ui] en t[er]re lor v[er]tuz ont
Q[ui] Dex otroia a chascune
& au souleil & a la lune
Q[ui] au monde font clarte nestre

[Column B]

& sanz q[ui] riens ne vient en estre
Car p[ar] eles nest & corront
Toute riens q[ui] est en cest mo[n]t
Q[ui] fin ait & co[m]mencem[en]t
Q[ue] ainsint le veut Dex & co[n]sent
Toutes div[er]sitez q[ui] sont
Es genz qui div[er]sete ont
Soit de courage ou de feture
& quanq[uil] avient p[ar] nature
En h[er]bes em plantes en bestes
Avient p[ar] les v[er]tuz celestes
Q[ue] Dex aus estoilles donna
Q[ua]nt le monde premiers forma
& p[ar] nature ainsist le mist
Quen tor le monde aler les fist
Contre le tor dou firmam[en]t
P[ar] lor corz p[ar] lor movemenz
& p[ar] la v[er]tu q[ui] on ciel gist
Vit toute riens q[ui] sor ciel vit
Sa Dex venist ore a plaisir
Q[ui] le ciel feist coi tenir
Quil ne tornast a la reonde
Il na nule riens en cest m[on]de
Vivant q[ui] mouvoir se peust
Nequi nul senz en lui eust
No[n] pl[us] q[ue] mors q[ui] riens nesent
En q[ui] na sens ne movement
Co[m] cil q[ui] de vie na point
& tretout en autretel point
Co[m] chascune chose seroit
A ore q[ue] li ciaus lairoit