44v

[Column A]

Des estoilles dou firmament
V[os] redirons nos ense
De lor g[ra]nt & delor hautesce
& dou firmament la grandece
De tout ce vos dirons le g[ra]nt
Mes dou roi vos dirons avant
Q[ui] Tholomeus ot a non
Q[ui] tant sot de demostroison
Q[ui] ces choses vout encerchier
& astronomie ot m[ou]lt chier
Si vos dirons daucu[n]s afaires
Q[ui] ne vos seront pas contraires
Se oir les voulez & entendre
Ainz i pourrez aucun bie[n] prendre
& pius ap[re]s vos mesurons
Le monde ausint co[m] nos savons
Or entendez de Tholomeu De tholo
& dautre genz p[our] vostre preu meus rois
Dastronomie fu soutis [et] d[es] aut[re]s ge[n]s
Tholomeus uns rois gentis
I des rois Tholomeus dEgipte
Q[ui] la t[er]re maint jor quite
Plusors rois Tholomeus ot
Mes ce fu cil q[ui] pl[us] en sot
& des estoilles pl[us] enquist
Q[ue] nus des autres dont il fist
Maint livre & maint bel instrum[en]t
P[ar] coi lem prueve ap[er]tem[en]t
De t[er]re toute la grandesce
& dou firmament la hautesce
Coment les estoilles lor corz

[Column B]

Font touz tens de nuiz & de jors
P[ar] lui furent trouve premiers
Li horeloge des moutiers
Q[ui] les hores des jors co[m]mence
& de nuiz q[ua]nt li jor acorcent
Q[ui] bie[n] ont mestier es iglises
P[our] miex fere adroit lor servises
De jorz & de nuit a droite ore
Car Dex aime m[ou]lt que[n] len nore
& quen le serve entierem[en]t
Chascun jor ordeneement
Car louroison q[ue] len recite
Chascun jor adroite ore eslite
Plesent pl[us] a Dex q[ue] ne font
Celes qui en div[er]s leus sont
Dites lun jor tost lautre tart
& plus le prent Dex a sa part
P[our] ce averoient bie[n] mestier
Horloges en chascun mostier
Nes les genz en vaudroie[n]t miaus
Selonc Dex & a lor cors viaus
& pl[us] longuement en vivroient
Se en droit point se contenoient
Dourer de meng[ier] dautre afere
Chascuns a sa droite ore fere
Sil seroit ce chose legiere
Sil i voloient lor maniere
Atorner ausint co[m]me il font
Afere ce q[ui] les confont
Cest avouz dont il est envie
Dont p[our]chacier cuident lor vie