52r

[Column A]

Tant a sa hautesce . de g[ra]nt
Le souleilg p[ar] demostroison
P[ro]vere[n]t il & p[ar] raison
Q[ui] lest pl[us] g[ra]nz en son assis
P[ar] .c. fois & lxvi.
Q[ue] toute la t[er]re ne soit
Mes qui nel set petit le croit
Si est es p[ar]ue mestrie
& p[ar] sens de giometrie
Dont puis se sont pene pl[us]sor
Q[ui] se doutoient de lerror
Se ce povoit voirs estre ou non
Tant q[ui]l p[ro]verent p[ar] raison
Q[ue] cil orent dit v[er]ite
& de haut & de cantite
Ne ge q[ui] cest escrit en fis
Mentente & mo[n] tens tant imis
Por ce q[ue] ge me[n] merveilloie
Q[ue] ge vi ce dont ge doutoie
Car ge vi tout ap[er]tem[en]t
Le souleil estre tant pl[us] g[ra]nt
De la t[er]re sanz nul de foiz
P[ar] cent .& lxvi. foiz
& les .iii. p[ar]ties vintismes
De la t[er]re avec ce meismes
Tant q[ue] li ancien orent dit
& lors en crei ge lor dit
Ne la en escrit nel meise
Se la v[er]ite ni veise
Ce puet len bie[n] de v[er]ite
Savoir p[ar] sa g[ra]nt cantite

[Column B]

Q[ue] m[ou]lt est loig de nos asis
Q[ua]nt il semble estre si petis
Mes ja nen sera si ensus
Q[ue] len nel sache de ca jus
De t[er]re jusq[ua]u soleil a
Si co[m] Tholomeus p[ro]va
.C.vii & xxxv. tans Dou gra[n]t e dou
Con li espes de t[er]re est g[ra]nz haut des estoiles
Des estoilles & dou firmam[en]t estoiles
De tant ja vos di briem[en]t
Q[ue] toutes sont dune hautesce
Mes ne sont dune g[ra]ndesce
Si couvendroit longuem[en]t lire
Q[ui] de chascune vodroit dire
Le g[ra]nt p[our] ce nos entendrons
Mes au mains tant v[os] en diro[n]s
Q[ui] ni a nule si petite
Q[ui] p[ou]r veoir i soit eslite
Q[ui] m[ou]lt pl[us] gnz ne soit sanz doute
Q[ue] la t[er]re & leue trestoute
Mes ni p[ar]mi le si g[ra]nz
Com li soulauz ne si luisanz
Q[ui] toutes autres enlumine
P[ar] sa biaute q[ui] tant est fine
De t[er]re jusq[ue] au ciel a mont
Ou ces estoilles fixes sont
A .x.m fois autre tant
& .lv. fois avant
[Com] toute la t[er]re a despes
Q[ui] set conter si puet ap[re]s
Trover le nonbre & la forme