f. 082v - 083

U souffre jour et nuit ardant
en bretaigne a ce dit on
Une fontaine et un perron
Quant len giete li aue desus
Si vente et pluet et chiet jus
De la ot gent dune maniere
Qui queues orent par derrieres
Si a len en france veu
Une gent qui furent cornu
Qui boces ont sus les mentons
Ces fames sont devers les mons
Qui leur pendent sus les mameles
Et sont la tenues pour beles
Autres gens si ont u dos boces
Autresi tors qui vont a croces
Et ceus qui voient ces afferes
Si ne sen merveillent de gueres
Sanz eus a len veu souvent
Et sanz mains nestre aucune gent
De la maniere des bestes

Le gourpil pour les oisiax prendre
se vet aus chans com mort estendre
Le tiers menjue aucun sepent
Pour renoveler son jovent
Se bos et raigne lome mort
Sien a len souvent la mort
La salive doume geun
Tue reigne et bos tout commun
Se un leu savoient de ceu
Senragist le preremier veu
Li lous emporte sanz mal fere
La berbiz qui en est contrere
Soef la giete sus son dos
P uis la met il en son repos
Li raigne tret de ses entrailles
Le fil dont ele fet toailles
Pour prendre mousches a son oeus
Que nus hon ne le feroit miex
Quant la singesse a .ii. faons
Si aime lun et lautre non