f. 096v - 097

Cele tampeste doit venir
Li sage qui doivent morir
Sappareillent contre la mort
De querre envers dieu leur acort
De leur pechiez selonc leur loi
Et la creance de leur loi
Con cil qui non espoir de vivre
La ou il sont fort delivre
Ausi fet leue coume vent
Por quoi la terre crolle et fent
Coument la mer devient
La saleure de la mer salee
dont li boivres est itant amer
Avient par le soleil en haut
Quen aucun leu fet si grant chaut
Que la mer en eschaufe si
Que de la terre desou li
Atent une amere mortor
Qui li tost toute sa savour
Quen la mer a mout de montaigne^s

Ausi con sel de vax fust plaines
Plaine de mout grant amertume
Et la terre quas fonz escume
Pour le chaut du soleil amont
Si mesle avec li aue parfont
Si que la salete en tret
Pour le chaut qui amont sen vet
Tant quavec lautre sest meslee
Einsi devient la mer salee
Mes de leue atant nos terons
Pour lair que deviser volons
De lair et de sa nature
Desouz leue est lair assis
de tant coume il est plus soutis
Si que la terre avironne
Et dure ausi coume une some
Quant plus haut puet monter la nue
Dont la pluie est aval venue
Celui si est si tres espes
Qui nous avironne de pres