f. 101v - 102

Que la moiteur quest en lair nee
De la terre tret engelee
Et sassemble en lair a masse
Pour la chalor qui pres la chace
Du soleil qui si pres se serre
Quele endurcist ^ilec la terre
Plus grosse nest quele ne seche
Mes au cheoir est si deliege
Et ce est la tempeste qui chiet
Ainsi souvent a quel qui griet
Des espars et des tounoirres
En lair mainte^s choses aviennent
dont les gens pou paroles tiennent
Car nont cure de tel affere
Dont ne pueent a chief trere
Ce qui fet la terre croller
Et qui lesmuet le fet torner
Et ^ce qui ^fet la terre ouvrir
Ce fet les nues departir
Car espars et tonoirres grans

Nest fors deboutement de venz
Qui sencontrent desouz les nues
Si durement quen leur venues
Nest souvent ^/. aucuns feus ^{/.en lair}
Cest foudre qui chiet en mains leus
Que li vent estraignent amont
Si quil fent les nues damont
Et fet touner et espartir
Et chiet aval par tel air
Par le grant vent qui le destreint
Que il confont quanquil ataint
Si que riens contre li ne dure
Et est de si puissant nature
Aucunefoiz que tot enmi
Perce la terre tout parmi
Aucunefoiz ataint aincois
Selonc ce que na pas grant pois
Ne pas na force de nature
Car quant la nue est bien oscure
Que de leue i a grant plante