Takamiya MS 46

Here says ypocras þe gode leche & teches of metes & drynkes to use þe tyme of blodletyng to take & to lete in ilke mo[u]nthe of the [y]ere & þe dayes of p[er]ell Janeuer In the mounthe of Janeuer whit wyn is god to dry[?] [??] fastynge & blodlatynge fore bere vii. dayes þ[ere] bene of p[er]ile. the furste day & þe .ii. day and .iiii. day . þe .v. day & þe x. day . þe xv. day & xx. day Fev[er]el In þe mounthe of fev[er]el potage of the lekes ete þ[e]n [?o?] for þei ben venu[m][?]. on þe vayne in the wriste of the thombe lete the blode on the þe .iiii. day. & þ[a]t is gode for þe sight to dayes þ[ere] bene of p[er]ile þe xvi day & þe xix day hot mete use. Marche In þe mounthe of marche figes & rasynnes & oþer swete metes & drinkes use lete þe blode on þe right harme on þe xvii day for eche men[er]e[?] of fevere of þ[a]t [y]ere use no bathe. Aprile In the monthe monthe of ap[r]ile gode is to lete blod & [who?] so letes hym blode on þe xi day on [th]e left arme in þ[a]t [y]ere he schal nouht[?] lose his sight & [who?] so letes hym blode on þe .iiii. day in þ[a]t [y]ere he[m] schal have no[n] hed ake fresch[e] mete & hoot use. In þe mounthe of may erliche[?] rise .May. and hoot mete use þe heed nor þe feet of no beste ete þ[o]u nou[gh]t and [who?] so drinkes a dische ful of Gerayve on[?] þe first thorisday in may it cleres his teith[?] it dries his blode it chaunges his brayne yt temp[er]es his marowe it mendys his heryng his mawe it clouses his mete defyes his witte it knettes his wombe[?] it cleres it gaderes slep it drives a way in

gwys[?] it norisheth gode blode . & it dryves away [th]e wikked blode it ..oyes þe fev[er]es & longe hele in þi lyte it holden. Lete þe blood in [th]e ende of may on þe .iiij. day or on þe .v. day on qwether arme so þou wilt .& it wil save þe fro alle manere of evelle & feve[r]e of þat [y]ere. On Seynt Pirnelle Day lete þe blode on þe lefte arme. & þat is gode for wat[er] be twene þe felle & þe flessh .iiij. dayes þere ben of p[er]ile þe .vij. day & þe .xv. day & þe xvj. day þe .xx. day. Dextra si minuas sub martis t[er]cia nonas Idib[us] int[er]nis de leva mensis ap[ri]lis Quarto vel quinto facies sic quolibet anno Non visum p[er]des nec febris flagra timebis. June In the mounthe of June ev[er]y day drinke a draught of cold wat[er] fastynge ete & drynk in mesure ete letouse & sauge for greved blode for bere blod latynge .iiij. dayes [th]e ben of p[er]ile the .vi. day & [th]e .xiiij. [th]e .xv. day & xix. day . July In [th]e mounthe of July hold the fro wy[m]men & let [th]ee no blod but for gret nede .ij. dayes [th]er ben of p[er]ile [th]e .xv. daye & .xix. day. August In [th]e mounthe of August wortes ne lekes nore of coles ete [th]ou none nore hote metes nore drynkes use [th]ou none nore let [th]e no blod .ij. dayes [th]ere ben of p[er]ile [th]e .xix. dayes & [th]e .xx. day . Septembre In [th]e mounthe of Septembre alle [th]e frute [th]at is ripe is gode is to eten & gode is to letyn blode And qwo so letes hym blode on [th]e .xvij. day of dropcy nore of francey nor of palcey nore of fallyng evele in [th]at [y]er have he no doute. Octobre . In the mounthe of Octobre must [th]at is newe wyn gode ys to drinke lete [th]e no blode but for gret nede o day [there] is of gret p[er]ile & [th]at is [th]e .vi. day