The Scientific Notebooks of German Orchidologist Friedrich Wilhelm Ludwig Kränzlin

GYMNADENIA Rich. (ex parte). (Gymnadenie*)

Syst. nata. Class. Monocotyledoneae, Fam. Orchideae, Trib. Ophrysinae. Syst. Lin. Class. XX. Ord. I Gynandria Monandria. Bartl. Ord. pl. p. 56. Kunth. Handb. p. 287. Lindl Einl. p. 384

CHAR. GEN.

Flores sessiles, spicati.

Perianthium coloratum ut in Orchide constructum. Laciniae exteriores lateralesque patentes, vel cum superiori et duabus interioribus fornicato-conniventes; labellum trifidum, patens, basi plus minus calcaratum.

Gynostemium breve Orchidis. Anthera antica, continua, erecta, obtusa, basi a rostello marginata, bursicula autem destituta, bilocularis, loculis inferne cucullatis demum totis apertis. Processus rostellaris loculis interjectus, ut in Orchide. Pollinaria duo, clavata, caudiculata. Retinacula duo, lateralia (vel basilaria). Staminodia ad latera antherae duo, satis conspicua.

Stigma maculam transversam lunatam infra antheram sistens. Germen contortum.

Fructus et semina ut in omnibus Ophrysinis.

Plantae herbaceae, terrestres, radicibus bituberatis instructae. Huc referendae sunt species huius generis a cl. Reichenbach l. c. descriptae

*) Nomen (Nacktdrüse) incongruum, cum non in hoc genere, sed in Platanthera et affinibus retinacula nuda reperiantur.

nec non G. albida Rich. — Gymnadenia viridis vero ad Habenariam nostram pertinet.

Lin. Gen. pl. ed. Spr. n. 3284. Rich. Orchid. Europ. 1. c. p. 48.

Adn. Gymnadenia a genere Orchidis bursiculae defectu recedit; in G. conopsea retinacula lateralia, in G. albida contra basilaria, ut in plurimis Orchideis, reperiuntur. Perianthium galeatum, quo species ista a G. conopsea recedit, minoris est momenti, quia et inter Orchidis species aliae perianthio patenti et aliae perianthio galeato instructae occurunt. Ceterum genera Loroglossum, Anacamptis et Gymnadenia Orchidis generis sectiones potius (aut subgenera) reputanda esse, quam genera propria, vix dubito.

EXPLICATIO FIGURARUM.

1. Gymnadenia conopsea Rich. magn. nat. 2. Alabastrum. 3. Sectio eius transversalis. 4. Flos, a fronte visus, magn. auctus. 5. Gynostemium, a fronte. — 6. Idem, a latere del. 7. Pollinarium cum retinaculo laterali. 8. Idem, magn. magis auctum. 9. Capsula matura, magn. nat. 10. Sectio transvesalis, magn. aucta. 11. Semen. 12. Radix et pars inverior caulis. 13. Gymnadenia albida Rich. magn. nat. 14. Flos, a latere visus, magn. auctus. 15. Idem, sublata lacinia, ut labelli forma conspiciatur. 16. Gynostemium cum labello. 17. Gynostemium, magis auctum. 18. Pollinarium. 19. Segmentum transversale germinis. 20. Radix bituberata, tuberibus angustis fusiformibus.

Fam. Orchideae. Trib Ophrysinae

[black and white illustrations]

GYMNADENIA Rich.