Image du Monde en vers

Ci commence la mappemonde li .ii. capitles De ces .iii. pars qui sont nommees Tient chascune maintes contrees Et maintes longes regions Dont nous dirons auques des nons Et des bestes les nons daucunes Qui ou pais, sont plus communes Qui sont plus veues par hommes Si dirons daucunes les formes Des gens, des bestes, des poissons Qui mainnent en ces regions Si com li livres le devise Dont ceste mappemonde est prise De paradis terrestre et des .iiii. fluns qui en naissent La premiere regions daise Est paradis li lieus plains daise Si plains de joie et de solas Que nus ni puet devenir las Nen veillier de nule partie Ains a de joie tel partie Jamais ior morir ni porroit Mais nus hons aler ni porroit Sangles ou diex ne li menoit Ne jamais ni asseneroit Car tous est clos de feu ardant Qui dusquas nues vait flammant Laions une fontainne naist Quen .iij. fluns devisee est Dont li uns dans fisons anon Ou gauges ensi lapele on Si vait par ynde loins et pres

[initial: 1st paragraph, opening initial /D/, 4 lines, in blue with red pen flourishing]

[initial: 2nd paragraph, opening initial /L/, 1 line, in red]

Si gemissent et font dolour Et li petit qui vont entor Mucent par desous sel soulievent Aucune fois est quil le lievent Eust sont eschape de mort Aucune fois par lor effort Mais quant nel pueent relever Si lor convient laissier ester Et sen vont gemissant ades Et cil qui sont repus empres Les prennent par lor estrumans Ensi prent on les olyphans Ou flun dynde qui a non gauges Vont les anguiles a grans renges Qui bien on .ccc. pies de lonc Et que on menjue a besoing Mainte autre beste merveilleuse A en ynde horrible et hideuse De grans sarpens et dautres bestes Qui cheviax ont et cals en testes Iluec li basilicque sont Qui si venimeus regart ont Qui dou regart daus seulement Ocient les oisiaus et gent Teste de coc, cors de serpent Nule beste, a lui ne se prent Rois est de sor tous les serpens Et sor bestes li cos poissans Il est, blans, baies, ca, et la La terre par la ou il va