Image du Monde en vers

Celi dont eue ot grant en vie Li autres est arbre de vie Dont nous parlasmes cha devant De^s autres arbres i a tant Si deliteus et si tres gens Quil semble que dex soit leens Mes il i a si bone garde Que langre dieu lentree garde Lespee en la main toute ardant Que nul ne sen aille approchant Ne beste ne ne mal esperite Pour avoir leens nul device Deurope et des ses contrees Ppuis quaise devisee avons europe deviserons Legerement pour tost finer Car sovent en oons parler Le premier leu est romenie Cotentinble une partie Resecoruide et macydoine

Tessable loeme et sapoine Si rest pirre une terre saine En cele sourt une fontaine Que len ^ne puet ardans tisons Estaindre ne les vis charbons En archarie a une pierre Quen ne puet en nule maniere Estaindre puis que ele est esprise Tant que toute est en cendre mise Pius danemarche et honguerie Osteriche et puis armenie Qui vers oriant a maint regne Si est escoce et alemaigne La ou une eue douce queurt Quen ses flueves se done et cort Irlande escoce et engleterre Toute france toute la terre Qui est jusquaus mons de mongi Itant tient europe de li Daufrique et de ses contrees

Deurope et de ses contrees Puis quayse devisee avons Europe deviserons Legierement por tost finer Car sovent en oons parler Li premiers liex est roumenie Constantinoble une partie Zecharortorne, et macydoine Thesale, boesme, et sapoine Si est pize, une tere sainne En eele sourt une fontanine Von ne puet ardans tisons Estaindre, ne les vis carbons En archade a une pierre Com ne puet en nule maniere Estaindre, quant ele est esprise Tant que toute est en carbon mise Puis est danemarche et honguerie Osterisce, et puis hermenie Qui vers occident a maint regne Si est soave, et alemaigne Ou la donave, une aigue sourt Quen .vij. flueves, sespart et cort Yslande, escosse, et engleterre Toute france, et toute la terre Qui est dus quas mons de mongieu Tant tient europe de lieu Daufrique et de ses regions li .iiii. capitles Apres europe est aufrique Dont li premiers leis est en lybe

[initial: 2nd row, opening initial /P/, 4 lines, in blue with red pen flourishing]