Image du Monde en vers

Dynde et des choses qui i sont Et sourt dun mont chorobates Et siet par devers orient Et chiet en la mer doccident Li autres, Gions, ou nilus Rentre en terre petit ensus Et par de deus terre sen cort Tant qua la rouge mer resort Et toute ethyope avironne Si quen .vij. parties se donne Et vait par egypte courant Tant quil rechiet en la mer grant Thygrys, et dont eufraties Sordent en armonie pries Dune grant montaigne en viron Qui mons perchoatus anon Et sen vont par mainte contree Dusquatant quilont encontree La mer maior ou il se fierent Si com lor natures requierent Dusqua paradis tout entor A lieus molt divers sans retor Car nus hom ni porroit trov[er?] Point de son vivre nabiter Por les bestes males et fieres Qui la sont de maintes manieres La sont gaiant et kanelis Qui tout devenrent comme leu Apres vient la contree dynde Qui dune aigue qui anon ynde Qui sourt devers septemtrion

[initial: 3rd last row, opening initial /A/, 2 lines, in blue with red pen flourishing]

Fors diex qui regarde par tout Li gaiant quen aucun lieu sont De nous molt grant merveilles ont Qui sommes si petit vers iaus Si com il nous samble de ciaus Qui la moitie sont plus petit De nous si com on le nous dit Li pigmain qui nont que .iij. pies De grandor se sont merveilles De ce que nous sommes si grant Et nous retienent por gaiant Cil qui nont cun oeil et .i. pie Se retienent a merveillie De ce que nous en avons deus Ausi com il nons refait deus De lor bestes que nous disons Et que par lor nous devisons Ensi devisent il les nos Par les lour de membres et dos Se li centhecores pies a Comme uns chevaus ausi bien ra Li chevaus pies de centhecore Et si puet on bien dire encore Quil a cors de monacheros Car il sentre samblent decors Ausi lor samblent le[s?]nos bestes Diverses, decors et de testes

Des diversetez qui sont en europe et en aufrique li .vi. capitles

MAintes choses a par deca Dont il nont nules par dela

[initial: second-last row, opening initial /M/, 2 lines, in red with blue pen flourishing]