Image du Monde en vers

Et bestes, com gent mescreve Ceste ynde dont nous vous disons Tient .xxiiij. regions Ou en chascune a molt degent Si sont bos si haut et si gent Quil avienent outre les nues Iluec sont unes gens menues Qui nont de grant fors que .ij. coutes Et vont ensamble par grant routes Et soventes fois se bataillent Contre les grieus qui les assaillent Mais dedens .vij. ans envieillissent Et de lor vies defenissent Cele gent ont anon pygmain Et sont tout petit comme nain Vers ciaus croist li poivres tous blans Mais la vermine i est si grans Quil i covient le feu bouter Por la vermine faire oster Et quant il est brusles ensi Si le trueve on cresp et noirci Autre gent ia con apele Groing, et bergmain qui est plus bele Qui por la la vie autrui garir Se metrent ou feu por morir Sira encore une autre gens Qui pere, et mere, et lor parens Quant viel sont et pres delor mort Sacrefient par droit acort Puis si en menjuent les chars

[initial: 22nd row, opening initial /A/, 2 lines, in blue with red pen flourishing]