Image du Monde en vers

Une terre riche et garnie Et puis la terre de surie Jherusalem et le pais La ou diex fu et mors et vis Gresce, lombardie, toscaigne Gascoigne, rommenie, espaigne Alixandre et maint bon pais Autre que je ne vous devis Si a cites et regions Qui des bestes prennent lor nons Qui habitent en ces pais Dont les cites ont formes pris Dont Rome a forme de lion Troie de cheval ce dist on Ethyope siet vers la fin Daufrique, qui iluec prent fin En ce pais a unes gens Plus noirs, que poivres narremens Car il fait si chaut cele part Quil samble que la terre i art De la ethyope na riens Fors desers et terre sans biens Bestes sauvages, et vermine Et vers la grant mer se termine

Des isles et de lor choses li .v. capitles

Puis que devise avons terre Si devons des isles enquerre Celes que nos savons nommer Dont il a maintes par la mer Contre europe est avidos

[initial: 26th row, opening initial /P/, 4 lines, in blue with red pen flourishing]

Ces .iij. enclost il dedens terre Con nes peust trover ne querre Dus quatant quil deurent faillir Ne sai son iporroit venir Mais qui autant com il savoit Saroit, ces ou autres aroit Si fist une teste parlant Qui li respondoit esramment De tout ce quil li demandoit Que enterre avenir pooit Tant cune fois li demanda Dun sien afaire, ou il ala Mais ele li dist une chose Dont il nentendi pas la glose Que sil gardoit sa teste bien Il ne len avenroit fors bien Lors sen ala seurement Mais li solaus, qui chalor rent Le cervel si li eschaufa Dont pas garde ne se donna Cune maladie lemprist Dont il fu mors si com on dist Quant il parla a cele teste Nentendi pas la si[e]ne a certe De la teste [q]ue il gardoit Entendoit que de li parloit Mais miex li venist toute voie Quil eust bien garde la soie Quant morut, si se fist porter Hors de romme por enterer

[Column A]

De lair sain pl[us] sanz autre ator Espes sem[en]t co[m]me une nue De t[er]re m[ou]lt haut estendue ·ii· clerges fist touz jors ardanz & une lampe a feu dedens Q[ui] jors sanz estaindre ardoie[n]t Ne de rie[n]s nes amenuisoient Ces ·iii· enclost il il si foz t[er]re Quen nel puisse trover p[our] q[er]re Vus q[ue] atant q[ue] devront faillir Ne sais en i pouroit venir Mes qui autant co[m]me il favroit Ou ces ou autres bie[n] avroit Si fist une teste p[ar]lant Q[ui] li respondoit maintenant De tout ce q[ui]l li demandoit Q[ue] en t[er]re avenir povoit Tant q[ue] une fois li demanda Dun su en afaire ou il ala Mes ele li dist une chose Dont pas il nentendi la glose Q[ui] sil gardoit la teste bien Li ne len au endroit fors bie[n] Lors sen ala seurem[en]t Mes li soulans q[ui] chalor rent Le cervel si li eschaufa Dont pas garde ne se douna Q[ue] une maladie len p[ri]st Dont il mourut si co[m] len dit Q[uan]t il p[ar]la a cele teste Nentendi pas la sienne teste

[Column B]

De la teste q[ui] a lui p[ar]loit Entendi se bien la gardoit Mes miaus lui au fist toute voie Q[ui]l eust bie[n] garde la foie Q[ua]nt mourut si se fist port[er] Hors de Rome p[our] ent[er]rer A un chastel dev[er]s Cecille Pres de la mer a une vile En quore i sont li os de lui Q[ue] en garde miauz q[ue] les autrui Q[uan]t on les souloit remuer Ou en un char en haut lever Si semfloit la mer maintena[n]t & venoit au chastel corant Co[m] pl[us] les le voit on en haut & ta[n]t croissoit la mer pl[us] haut Q[ui] tout le chastel tout noiast Se len vis ne le ravalast & q[ua]nt en son droit lieu estoit Tantost la mer se rabessoit Ainsi co[m]me ele estoit devant & ce a len puesouvent Encore i dure la vertu Ce dient cil que[n] so[n]t venu Soutil fu Vergiles & sages & vout p[ar] ver co[m] les usages De clergies a son povoir De tant [comme] pl[us] em pot savoir & fu de petite estature Le dos torne ·i· poi p[ar] nature & aloit la teste bessant