Image du Monde en vers

Dont il erent a herite Si com li saint qui mort soufroient Por la loi quessaucier voloient Si ot de teus qui par lor sens Prophetiserent le saint tans De la venue jhesu crist Si comme Virgiles qui dist Qui fu au tans sesar de romme Dont maint devinrent plus preudomme Dist cune novele lignie Sestoit de haut ciel eslaissie Qui en terre feroit vertus Dont diables seroit vencus Dont Sains pols qui vit ses escris Qui molt proisa lui et ses dis Dist de lui acuer irascu Hai queil je teusse rendu A dieu se teusses tenu Tant que je fusse atoi venu Autres philosophes i ot Dont chascuns dist aucun bon mot Mais ne poons or pas ci lire Tous les biens que on porroit dire Preudomme furent et vaillant Grant clergie mirent avant Car se por clergie ne fust Ja ne seust on qui diex fust Et sil ne fussent si preudomme Jamais ni eust si grant somme De clergie com il a ore

Comme cil qui vielt defenir Et pensa cuns grans diex estoit Qui deseur tous, pooir avoit Com cil qui creoit pluisors diex Selonc saloi empluisors liex Lors fist un autel molt ensus Derier, tous les autres, ou nus Naprochoit, fors il seulement Com nel tenist, a mescreant Et lapela, quant leut veu Lautel dou dieu mescouneu Si laora et chier le tint Tant que sains pols, cele part vint Com cil qui agrant clerc le sot Dont il le converti plus tost Par miracle, et par sa clergie Si com il raconte ensa vie Ensi devint cil crestiens Qui tous jors ot este paiens Par sa clergie et par son sens Ou il ne perdi pas son tens Cele eclypse nel decut mie Ne ce quil seut dastronomie Ains endevint puis si preudom Que tout a paradis endon Des eclypses oi aves Se vous entendre le voles Ja puis nen valres, se miex non Car cest signification Que tels choses, ont demoustrance

[initial: 26th row, opening initial /D/, 2 lines, in blue with red pen flourishing]

Alixandres en resoufri Maint travail por aprendre ausi Mais il sen ala richement Comme rois, aforce de gent Dont il ne peut mie si bien Aprendre, nen querre dou bien Virgiles, cercha, mainte terre Por raisons, des choses enquerre Tholomeus qui fu rois degypte Ne reclama, pas laler quite Ains ala par mainte contree Tant que mainte chose eut trovee Sains pols, qui refu molt preudom Ala par mainte region Por plus aprendre, et por veoir Tous les bons clers quil peut savoir Sains brandains, ne fina desrer Ades, et par terre et par mer Por aprendre, tant seulement Et vit mainte merveille grant En une isle vint lau il vit Oisiaus parlant, com esperit Qui li dirent aucune chose Dont il lor demanda la glose Si ala par mains autres lieus Tant que un lieu vit perilleus Plain de peril, et de torment Que nus ne porroit penser ens Un home ivit qui respondi Que cert judas, qui diex trai