Image du Monde en vers

li .xii. comment la terre crosle et fent li .xiii. comment la mers devent salee li .xiiii. de lair et de sa nature li .xv. comment, noif, et plueve, gelee, et nues, gresiels, tempestes, esclistre, tonnoile avienent li sesismes comment li vent noissent li .xvii. dou feu, et des estoiles, qui samble que eles keurent et chieent et dou dragon que ce est li .xviii. dou pur air et comment li vii. planete isont assis ordeneement li .xix. des estoiles et dela concordance de tout le firmament Ci commence la tierce partie la tierce partie contient .xxii. capitles et .ix. figures, li premiers capitles est comment il est jors, et nuis, et por quoi on ne voit les estoiles de jors, et le solail denuit, li secons comment la lune recoit diversement lumiere li .iii. comment li eclypses dela lune avient li .iiii. des eclypse dou solail li .v. de leclypse, qui avint alamort ihesu crist. li .vi. dela vertu dou ciel et des estoiles. li .vei.*, comment on mesura le monde, et por quoi li .viii. dou roi tholomeu, et des autres philosphes. li .ix. comment on sauva clergie.

[* scribal error for vii]

Par quoi il prisoient dieu plus Ausi veons nous, de ca jus Lecylpse dou solail sor nous Quant la lune est, endroit desous Tant que la lune, rest plus basse Que li solaus, la ligne passe Et sen vait ades es longant Tant quil apert si com devant Et la lune, qui vait apres Pert cornue .iij. jors ades De ceste eclypse, poes ci Entendre ce ou aves oi

[diagram showing an eclipse of the sun: the Earth, depicted as a light brown circle, is set at the center of a larger blue circle with the inscription, in white, C E S T A / I R S C I; in the upper left, is the Sun represented as a large gilded circle outside the blue one; between the two is the Moon represented as a silver circle, blocking the light emanating from the sun. Zones painted yellow and black represent the light cast by the sun on the earth and the resulting shadow, caused by the alignment of the three celestial bodies]

De leclypse qui avint ala mort ihesu crist li .v. capitles. AUsi com la lune nous taut Le solail, ensi nous retaut La terre, sa clarte souvent Si com oi aves devant Mais eclypse, estre ne porroit De la lune, bien ni adroit Fors com ele se pert plus plainne

[initial: 14th row, opening initial /A/, 2 lines, in red with blue pen flourishing]

Les quaresmes, et les avens Et les haus jors, que chascun jor Doit on miex faire, por sonnor Por conquerre cele grant joie Que diex ases amis otroie Que le deservent volentiers Ce nous aprent li kalendiers Qui fu estrais, dastronomie Dont tholomeus fist samie Et plus enseut, que nus autre hom Fors adam, qui fu premiers hom Car cil toutes les .vij. ars sot Entierement, sans faillir mot Com cil cui diex fist, de ses mains Et vaut quil fust li soverains De biaute, de force, et de sens Sor tous homes, qui puis son tans Peussent estre, jor en vie Fors ihesu crist le fil marie Car sens, et force, et biaute Li donna diex, a tel plente Conques puis, nus hom tant nen eut Ne ja nara mais, puis quil seut Consenti au pechie sa femme Perdi il tant, de sens de same Que tantost devint hom mortels Qui devant son pechie fu tels Que jamais mors, ne leust point Et tuit fussent, en autel point En joie, en solas, endeduit

Tant com diex li preste le sens, Et il ena loisir et tans Car diex len rendra si haut don Que tous biens avra abandon Et la joie de paradis Que diex nos otroie atous dis Encui toute pities habonde Ci fenist lymage dou monde A dieu commence, a dieu prent fin A ses biens, et commence et defin En lan de lincarnation Aures a lapparition Mil .cc.lx.v. ans Fu parfais premiers cis romans Vous qui aves oi lescrit Dou fil damedieu ihesu crist Et puis dou mont, que diex forma Li siecles une autre forme a Que vous devez apres entendre Qui dou siecle voles aprendre Ici fenist la mappemonde

[at the bottom of the page, later hand:] Anno Dni* M.CC.LXV 1265 per Guillelmum Forment normannum.

[*an abbreviation for Domini but without abbreviation mark]