Image du Monde en vers

Quant il veut pour croistre son bien Des gelees et nois Les gelees et les grans nois viennent de lair qui est frois Enz u mileu qui nest aillors Einsi con vos vos veez tozjors Des nois qui sieent es haus leu^se Sicoume en ces mons de mongeu Et en autres hautes montaignes Que plus i a deues qua plaines Dont ce avient de la fredour Que li air a mains de chalour En haut quen bas por ce quil est Et quant plus est soutis en haut De tant retient il mains de chaut La ou le soleil puet venir Sicoume len voit avenir Fer et acier eschaufe plus Que ne fet ne pierre ne fus Que tant coume la chose est plus dure

Et de plus espesse nature De tant se prent le feu plus fors Que en ceus qui mains ont de cors Einsi vous di de lair desus Qui est plus froiz que cil cha jus Pour ce que il nest pas espes Con cil qui de la terre est pres Et pour le vent qui nest sovent Qui le fet estre en movement Car leue qui se sourt envoie Eschaufe mains tost que la quoie Et pour ce i nest la fredure Qui engiele cele moiture Tantost coume ele est coumotee Et chiet aval toute gelee Des grelles et de^s tempestes Des gelees quen este viennent par tel maniere reviennent Coume en mer nentent aucun vent Dont grant froidure nest sovent