Image du Monde en vers

[Column A]

Q[ui] paiens egranz clers estoit & dastromie savoit Q[ua]nt il vit cele obcurce g[ra]nt & sen merveilla durem[en]t & trova p[ar] astronomie Q[ue] ce ne povoit estre mie P[ar] nature ne p[ar] raison Q[ue] eclipse fust en tel saison Lors dist une p[ar]ole obscure Ou li Dex fist il des nature & se desjoint p[our] defaillir Co[m]me cil qui veut defenir & pensa q[ue] uns g[ra]nz Dex estoit Q[ui] desor touz povoir avoit Com cil qui creoit pl[u]sors Dex Lon saloi estre em pl[us]ors iex Lors fist une autel m[ou]lt ensus Derieres les autres ou nus Nap[ro]choit il fors solement Quen nel tenist a mescreant & lapela qua[n]t lot veu Lautel dou Dex desconneu Si laoura & chier le tint Tant q[ue] Sains Polz cele p[ar]t vint Con cil qui a g[ra]nt clerc le sot Donc il se conv[er]tist pl[us] tost P[ar] miracle & p[ar] sa clergie Si com il raconte en sa vie Ainsint devint il crestiens Q[ui] touz jors ot este paiens P[ar] sa clergie & p[ar] son sens

[Column B]

Ou il ne p[er]di pas son temps Cele eclipse nel decut mie Ne se q[ui]l sot dastronomie Ainz endevint puis si preudon Q[ue] tout a p[ar]adis a don Des eclipses oi avez Se vos entendre les voulez Ja pis nen vaudrois se miex no[n] Car cest signification Q[ua]nt tex choses ont ap[ar]ances & aucunes g[ra]ns demostrances Ce trouvent astronomien Si co[m] defaute daucun bien Chiers temps ou gelees ou frois Ou mort de princes & de rois Q[ui] avenir doient en t[er]re Tant co[m] raisons empuet e[n]q[ue]re Cele eclipse q[ui] si g[ra]nz fu Senefia la mort Jh[es]u Si dut avenir autrem[en]t P[our] Dex q[ui] p[our] nule autre gent Sires & rois est p[ar] nature Si fet & deffet p[ar] droiture Les autres p[ar] nature aviene[n]t Que[n] t[er]re lor v[er]tuz retienent Des choses q[ui] sont a venir Si co[m]me il couvient tout fenir Q[ua]nq[ue] il a en t[er]re briem[en]t Dex ne fist pas le firmam[en]t Ne les estoilles p[our] noient Q[ui] p[ar] sor nos vont tornoiant