Pages That Mention plommieres, labeie
BnF. Département des Manuscrits. Français 14964
63v
Puis que toutes vienent demer Qui si amere, et salee est Comment va quaigue douche en naist A ce respont uns des auctours Que cele aigue, qua ci son cors Par douche terre, devient douche Et samertume, de faut toute Et laigue qui salee cort Et dedens terre amere sourt Et samertume, enli retient Ensi douche, et salee vient Autre aigue sourt salee et noire Que aucun vont por poison boire Et font purgations, molt gens Soventes fois, a molt de gens Cele aigue qui sort noire et clere Keurt par terre, noire et amere Et de grant porreture plainne Si est merveille sele est sainne En autre lieu sourt aigue chaude Si qua peu quon ne si eschaude Que on bains naturels apele Sen a a ais, a la chapele Et a plommieres, labeie En lohorainne est establie Dedens terre a maintes cavernes Chaudes comme feus en lanterne Si com la terre a maintes vainnes Qui de soufre sont toutes plainnes Ou il naissent aucun vent fort
[initial: 12th row, opening initial /A/, 2 lines, in red with blue pen flourishing]