Pages That Mention rouge mers
BnF. Département des Manuscrits. Français 14964
64v
Et en lan sa coulor remue Par .iiij. fois, com la veue Primes est vers, et puis sanguine Puis torble, et puis clere et fine Con si delite, a esgarder Mais peu nus nen ose gouster Une en i a, qui la semainne Sort bien .iij. jors, ou .iiij. sainne Et les autres .iij. se tent coie Toute seche, com une voie Un flueve i a, qui tous jors cort Et amiedi, riens nen sort Celi flueve apele on sabat Car lors enterre, se rembat Droit vers acre, a un sablon Dont on fait voirre, sain et bon Et daucune glace de mer Melle on avec por le former La rouge mers, quest en egypte Ou li fil israel, tout quite Passerent outre a seche terre Por venir en la sainte terre Prent de la tere, la coulor Qui rouge est aufons et entor Em perse est .i. fluns lons et les Qui denuit est si engeles Que bien i pueent aler gens Et par jor est clers et corans Une fontainne, a en espire Dont mervilleuse, est la matire
[initial: 25th row, opening initial /E/, 2 lines, in red with blue pen flourishing]