Image du Monde en vers

[Column A]

Car cil toutes les ·vii· ars sot Entierem[en]t sanz faillir mot Com cil q[ue] Dex fist a sa main Si vout q[ui] fust li souverain De biaute de force & de sens Sor toz homes q[ui] puis so[n] tens Peussent estre jor de vie Fors Jhesucrist li fex Marie Qui savoit & force & biaute Li donna a sig[ue]nt plente [Com] q[ue]s puis ho[m] autant ne[n] ot Ne ja nauta mes puis q[ui]l sot Consenti au pechie sa fame P[ar]di il ta[n]t dou sens de lame Q[ui] tantost devint ho[m] mortex Q[ui] devant som pechie futex & james mors neleust point & tuit fusent en autel point En joie en soulas en deduit Em p[ar]adis t[er]restre tuit Ne & norti sanz nul pechie & puis ou ciel glorefie Mes puis quil or gouste dou fruit Si furent si sens tout detruit & corrumpu p[ar] son pechie Q[ue] tuit en fumes entechie Not riens de soz le firmam[en]t Q[ue] mains ne vausist q[ue] devant Nis les estoilles en rendirent Mains de clarte q[ue] avant ne fire[n]t Ainsi empira de touz biens

[Column B]

Li pechiez Adan iriens Q[ue] Dex ot p[pur] home fet nestre Com cil qui le vout fere mestre De toz les biens quil avoit fez Mes tantost co[m] se fu mesfez Se senti il si desnue De sens de force de biaute Quil li sembla quil fust toz nuz & quil eust toz bienz p[er]duz Comme ho[m] q[ui] est mis en essil Mes toutes voies li remest il P]ar] force biaute & savoir Con q[uil ho[m] ne peust de voir A ces ·iii· v[er]tuz q[u]il ot Ot li rois David q[ui] tant sot ·ii· fieus q[ue] furent co[m]pare A son sens & sa biaute Ce fu li sages Salemo[n]s & ses six li biax Assalons & a sa force cest la fins Fu comparez Sanses fortins Ainsint furent ces ·iii· v[er]tuz En Adan & onquore pl[us] Qui pl[us] p[ar]fitement les sot Q[ue] nus daus ·iii· la soue not Cil sot les ·vii· arz de clergie Miauz co[n]q[ue]s nus q[ue] fust en vie Con cil qui Dex les ot ap[ri]ses Puis fure[n]t p[ar] maint autre q[ue] ses Q[ue] de les savoir g[ra]nt paine orent P[our] le g[ran]t deluge quil forent

[Column A]

Quil retrouva astronomie Une p[ar]tie de son sens & puis revint Sainz Abrahanz Qui en retrouva g[ra]nt p[ar]tie Puis furent autre q[ui] lor vie I userent au miaus q[ue] sorent Tant q[ue] des ·vii· clergies rore[n]t Les p[ri]ncipes & les raisons Ap[re]s vint li sages Plato[n]s Li souverains des philosophes & ses clers quot no[m] Aristotes Cil Platons fu li hom au monde De pl[us] g[ra]nt clergie p[ro]fonde & qui pl[us] mist clergie avant Q[ue] nus qui fust nap[re]s navant Icil trova touz p[re]merains Q[ui]l mere q[ue] uns bons soverains Q[ue] tout fust & dont tuit bie[n] viene[n]t En son livre encore p[r]uerent Q[ui]l nest q[ue] uns seus soverains bie[n]s Cest Dex q[ui] fist toute autre tiens & en cele seule unite Prova il droite v[er]ite Son povoir son sens & so[n] bie[n] Ces ·iii· claime[n]t li crestien Pere & filz & saint esperit Li peres la puissance dist & li fix dist la sapience & esperit la bie[n] voillance Aristotes q[ui] vint ap[re]s Lensui & letint apres

[Column B]

De m[ou]lt de choses q[ue] dit ot & de lui vint quan q[ue] il sot Lart de loguq[ue] ordena bie[n] Car pl[us] en sot q[ue] dautre rien Li dui ·iii· persones trovere[n]t En un seul Dex & le p[ro]vere[n]t Mes ne mistrent rien en latin Car audui furent sarasin Con cil qui fure[n]t en lor te[m]ps Jhesucrist pl[us] de ·iii· anz Si furent tuit lor livre en grieu Mes puis vint Boeces entieu Uns g[ra]nz philosophes & sages Q[ui] ap[ri]st de plutost langages & qui droiture m[ou]lt ama Cil de lor livres tranlata G[ra]nt p[ar]tie & mist en latin Mes li vint en cors a la fin Q[ui]l les eust tranlatez toz Dont ce fu damages anos Puis en ont dautres tra[n]latez Q[ue] bon clerc furent & letrez Mes al en tranlata le pl[us] Q[ue] nos avons encore en us & fist maint bo[n] livre en sa vie De m[ou]lt haute philosophie Encore nos ont bo[n] mestier Por nos env[er]s Dex adrecier Maint autre g[ra]nt clerc ont este Au monde de g[ra]nt poeste Q[ui] ap[ri]strent toute lor vie

[Column A]

Des ·vii· ars & dastronomie Dont aucuns iot q[ui] en lor tens Firent m[er]veilles p[ar] lor sens Mes cil qui pl[us] sen entremist Fu V[er]giles qui maint en fist P[our] ce si voz enconterons Aucunes dont oi anons Devant Jhesucrist fu Vergiles Q[ui] les ars ne tint pas aguiles Ainz y usa toute sa vie Tant quil fist p[ar] astronomie Maintes g[ran]z merveilles e[n] plai[n] Il fist une mouche darain Q[ua]nt ladrecoit en une place Si faisoit des autres tel chace Q[ue] nule autre mosche q[ue] fust V[er]s lui ap[ro]chier ne peust De ·ii· archies loig entor Q[ue] ne moureust sanz retor Tout maintenant q[ue] le pasoit La bo[n]ne que li co[m]pasoit Si refist darain un cheval Q[ui] garissoit de chascun mal Les chevaus q[ui] malade estoient Maintenant q[ui] le veorent Si fonda une g[ra]nt cite Sor un euf p[ar] tel poeste Q[ui] q[ua]nt aucun loef removoit Toute la cite en crolloit & quant pl[us] fort le movoit on Tant crolloit pl[us] tout enviro[n]

[Column B]

La vile & en haut e en plain La mouche & li chevaus darain & la chage ou li oef estoit Si sont a Naples q[ue] len voit Ce dient cil quen sont venu Q[ue] aucune fois sont veu En une cite faillir fist Tout le feu ainsi co[m] len dist Q[ue] nul point avoir ne[n] povoit Se la chandoile nalumoit A la nescence dune fame Fille dampereor m[ou]lt dame Q[ui] li ot fait aucun anui Ne cil ne[n] povoit a autrui Point douner ainz li covenoit Chascun feu prendee la endroit Q[ui] pas na belit a celle Ainsi se vencha il delle Si fist p[ar]mi vue eue ·i· pont Le pl[us] g[ra]nt conq[ue]s fust au mont Ne sai ou de piere ou de fust Mes nuls ouvriers tant soutil fust Ne macon ne nul charpentier Ne seusent tant encerchier Dedens eue ne dedens t[er[re Q[ue] peusent raison enquerre Comme[nt] [telles?] pons fais estoit Ne coument il se soutenoit En nul leu ne[n] chief ni en nu & passoit bie[n] tout p[ar] un Un jardin fist tout cloz entor

[Column A]

Coum[en]t clergie est recouvree Tant q[ue] ore est en France trovee De nature co[m]ment ele oeure Div[er]sement en chascune oeure Q[ue] cest & q[ue] le creature Savez oi de la feture Dou monde & la devision Des .iiii. elemenz environ Q[ui] setient ou firmament Co[m]ment lat[er]re finement Setient ou mileu tout p[ar]mi & la petitesce de li Env[er]s le ciel tre tout en tor C[om]m[en]t li soulaus fet son tor & li autre planetes ausi Ce avez vos p[re]miers oi Ou secont vos est de visec Lat[er]re ou ele est abitee De la mape mo[n]de tout lestre Premiers dou p[ar]adis t[er]restre Dinde les div[er]sitez g[ra]nz Des arbres des bestes des genz Des oisiaus & daucun poissons & des choses q[ue] nos avons Ou en fers siet li dolereus De la paine au maleureus Q[ui] laienz sont mis entorm[en]t Ap[re]s dou secont element Cest leue des fluns de fontaine[s] Chaudes froides males & saine[s] Q[ui] sont en div[er]ses contre[e]s

[Column B]

Comment la mers de vient salee Coument la t[err]e crolle & muet Pius de lair co[m]me[n]t vente & pluet De s tempestes & des tonnoirres Dou seu & de cheans estoilles & lair pur des planetes .vii. & coument li bisextes nest Dou firmam[en]t & de son tor & des estoilles tout en tor Ou .iii. avez oi le corz Co[m]ment il est & nuiz & jorz De la lune & puis dou soleil Co[m]ment il lirent a p[ar]eu Com[en]t chauscu[n]s p[ar]t sa plendor Aucune fois & nuit & jor Des eclises qui lor avienent & des v[er]tus q[ue] les soutienent De la g[ra]nt eclipse Jh[es]u Dont Saint Denis c[om] v[er]tis su De la v[er]tu dou firmam[en]t & des estoilles ensem[en]t Co[m]m[en]t len mesura le monde Le ciel & lat[er]re reonde De Tholomeu & de ses sens DAdan & daucune autre gens Coum[en]t clergie fu sauvee P[or] le deluge & controuvee Des genz qui fure[n]t de bo[n] sens & des m[er]ueilles q[ua] son tens Fist V[er]giles p[ar] sa clergie P[or] coi fu monoie establie