Image du Monde en vers

Signor qui le soverain roi Jhesu crist, quant nes fu en terrre Alerent comme dieu requerre La croist li myrre, et li encens Et si imaint peuple de gens Si est asyre, grans province Et la regions, de fenice Qui prent non dun oisel fenis Dont il nest ades cuns seus vis Quant muert si remaint ses oisiaus Grans est de cors, et molt est biaus Ou chief a une creste en sonc A la maniere dun paon Pis, et gorge li resplendist Coulor a dor, et si rougist Comme rose desor le dos Et en vers la keue est tous blos Com est li ciels, quant est bien purs Et quant daage et bien meurs Lors vait en .i. mont haut et bel Ou il renouvele sa pel Sor ce mont sourt une fontainne Molt grans, et large, clere et sainne Et a un grant arbre de sus Que on voit de molt lonc en sus Lors fait son sepucre et son ni Desor cel arbre tout ensi Despeces de si grans odours Que on ne puet trouver millors Puis se dresce dedens son ni

Blanches com flors et molt sont beles Fors tant que dens ont comme chien Et habitent en aigue bien UNne grant region i a Qui .xliii. peuples a La sont oisel plain de deduit Dont les pennes luisent par nuit Cele part est li papegais Qui nest mie plus grans cuns gais Tout vert, et luist comme paon Dont li plus gentil ce dist on Ont en cascun des pies .vi. dois Et li vilain nen ont que .iij. Keue a longue com une pie Bech corbe grant langue forchie Qui la jone, dedens .ij. ans Si aprent a parler as gens UN autre i a pellicanus Qui est ausi comme canus Quant ses poucins laisse et revient Por paistre ausi com il covient Ses trueve mors ce li est vis Lors fiert son bech, dedens son pis Tant que li sans en raie fors Dont li poncin revienent lors Et en albainne a unes gens Qui trestous ont les chevials blans Un haut mont en armamie a Ou larche noe reposa Quant li delugues fu passes

[initial: 4th row, opening initial /U/, 2 lines, in red with blue pen flourishing] [initial: 18th row, opening initial /U/, 2 lines, in blue with red pen flourishing]

Quant la tempeste doit venir Si sen vait li hairons fuir Et sen vole desor les nues Por eschiever, tempeste et pluies Quant cheiie trueve or, ou argent Si lemble et le vait repounant Et li samble quil oit sa vois Quele parolt, aucune fois Molt cuide estre biaus li corbaus Et miex chantans que nus oisiaus Se ses poucins voit blans derien Jamais ne lor fera nul bien Quant on esgarde le paon Si torne sa keue en viron Por ce quen sa biaute se loe Et fait ausi com une roe Si sorguellist de sa biaute Mais quant ses pies a regarde Qui sont lait, si laisse cheir Sa keue ausi com por covrir Li ostoirs, et li esprevier Doivent les proies raviier Et li doutes si le raporte A son seignor qui li en orte Simples oisiaus est li coulons Si norri bien autres faons En laigue lostoir apercoit Par lombre que en laigue voit La hupe est uns oisials cretes Quen porreture, et en viltes