Image du Monde en vers

Puis li vient autre piaus arriere Ensi reforme son aage Comme beste, qui molt est sage Serpens ira, dautres manieres Que maintes precieuses pieres En testes et en iels lor sont Maintes vertus en eles ont Des pierres dynde EN inde croist li aymans Une pierre de vertus grans Qua lui trait le fer et ramist Par la vertu qui en li gist La croist li dyamans entiers Qui ne puet estre depecies Nuses, se par sanc de bouc non Si a autres de grant renon Esmeraude, qui la veue Comforte, quant on la veue Li charboucles i est luisans Par nuit comme charbons ardans Si a saphirs, qui enfleure Ostent diels, et enflameure Thopasces, qui ont color dor Et rubyns, qui miex vaut encor Si a dautres pierres asses Qui en eles ont grans bontes Mais qui savoir vieut lor afaire Si sen voist lire en lapidaire Qui dist, lor nons et lor vertus Car ci nendirons ore plus

[initial: 9th row, opening initial /E/, 3 lines, in blue with red pen flourishing]

Si les apele on, amazones Et ont hommes, pres de lor terres Que chascun an, vienent requerre Por estre .viij. jors, ou .xv. ensamble Tant quengendre ont ce me samble Lors se departent, si sen vont Et celes qui les enfans ont Se fumele est, si le retienent Et les masles, qua aige vienent Norrissent par .v. ans, ou .vi. Puis si les getent, dou pais Molt beles femmes ra aillors Quen batailles, et en estors Usent toutes darmes dargent Por faute de fer seulement Ou bos dynde y autres femmes sont Qui les barbes si longues ont Et de pials de bestes se vestent Et par grant noblesce sen festent Et vivent de bestes sauvages Queles prennent, par ces boscages Si sont hommes et femmes nu Si comme bestes tout velu En aigue et en terre habitans Et quant voient venir les gens Si se fierent en laigue lors Si que point ne perent dehors Autres i a grans com gaians Velus com pors et gemissans Si sont autres femmes par eles

[initial: 12th row, opening initial /M/, 2 lines, in blue with red pen flourishing]

Est molt tost souvent eschaufee Que saucuns imetoit sa main Jamais ne sen verroit bien sain Li rais dou solail si noircist Cuirs domes et toiles blanchist La mole terre dure fait Et la dure si la remet De laigue froide et dou cristal Issent feu, amont et aval Dou fer ala pierre hurtes Saut li feus, tout sans alumer Li vens quest frois le feu esprent Et la flamme enfait, issir grant Lalainne de lomme quest chaude Refroide chose qui est chaude Li airs parfondement refroide Et laigue eschaufe qui est froide La terre quest pesans emmi Se tient dedens le ciel emmi Sans piler, et sans fondement Par sa nature seulement Et por cest fals qui ses mervelle De chose qui ne sa pareille En vers lui de mostrer raison Porquoi ele est ensi ou non Car il nest si petite chose Dont on puisse savoir la glose Veraiement por quoi ele est Fors si com a damedieu plaist Par clergie puet bien li hom

Si ne puet la terre aprochier Mais a lestaindre, quil fait lors En la nue, naist, uns sons fors Cest li tounoires, que on doute Si comme dun fer, que on boute Dedens laigue naist aucuns sons Ou quant on igete, carbons Mais li espars, appert ancois Que dou tounoire oie on lesfrois Car li veoirs, est plus soutis De lomme, que nest li oirs Si comme quant on voit de long Par deseur une aigue, auques long Batre dras, ou ferir martials On voit ancois, le caup as ials Et atouchier, sor le resort Que on oie, le son dou colp Ausi de tounoire vous di Con voit ansois con lait oi De tant com il est plus ensus De tant eslonge, li sons plus De lespars, puis con la veu Ancois com oie sa vertu Con plus tost est ois apres Tant est li tounoires plus pres Comment li vent naissent, li .xvi. capitles Des vents puet on, Raison en querre Par les mers, quen viron la terre Keurent, et sen contrent sovent

[initial: 27th row, opening initial /D/, 2 lines, in red with blue pen flourishing]