Image du Monde en vers

Dont li carbons qui espris est Dure en la cendre .i. an entier Sans estaindre namenuisier Cedre isont grant, et hebenus Dont on dist que nen porrist nus Ou li gyrofles croist AUtre arbre glorieus i sont Dont cleus de gynofre fruit font Et nois musgates, et cubebes Dont les escorces, sont canele Et la racine est guaringaus Et gyngembres, et cithouaus La croissent les bonnes espices Dont nos faisons si nos delices Nois i croissent, grosses com pomes Et autres comme testes dommes Des arbres quen paradis sont Ne savons nous quel fruit il ont Cil dont eve ot si grant envie Li autres est arbres de vie Dont nous parlasmes ci devant Des autres arbres i a tant Si deliteus et si tres gens Quil samble que diex soit laiens Mais il i a si bonne garde Cuns angles dieu lentree garde Lespee en la main toute ardant Que nus ne si voise approchant Ne beste, ne mal esperit Por laiens faire, son delit

[initial: 7th row, opening initial /A/, 2 lines, in red with red blue flourishing]