Image du Monde en vers

li .xii. comment la terre crosle et fent li .xiii. comment la mers devent salee li .xiiii. de lair et de sa nature li .xv. comment, noif, et plueve, gelee, et nues, gresiels, tempestes, esclistre, tonnoile avienent li sesismes comment li vent noissent li .xvii. dou feu, et des estoiles, qui samble que eles keurent et chieent et dou dragon que ce est li .xviii. dou pur air et comment li vii. planete isont assis ordeneement li .xix. des estoiles et dela concordance de tout le firmament Ci commence la tierce partie la tierce partie contient .xxii. capitles et .ix. figures, li premiers capitles est comment il est jors, et nuis, et por quoi on ne voit les estoiles de jors, et le solail denuit, li secons comment la lune recoit diversement lumiere li .iii. comment li eclypses dela lune avient li .iiii. des eclypse dou solail li .v. de leclypse, qui avint alamort ihesu crist. li .vi. dela vertu dou ciel et des estoiles. li .vei.*, comment on mesura le monde, et por quoi li .viii. dou roi tholomeu, et des autres philosphes. li .ix. comment on sauva clergie.

[* scribal error for vii]

En aucuns liex, si durement Queles ses lievent contremont Si que lair, deboutent amont Et li airs qui est deboutes Par force, et de son lieu boutes Remuet lautre en itel maniere Quil retorne ausi com arriere Et sen vait ausi ondoiant Comme laigue, qui vait corant Car riens nest ou airs est meus Tant que ses esfors, est cheus Ensi vienent, souventes fois Nues, plueves, tounoire, escrois Et les choses, que dit avons Si a encor autres raisons Comment itels, choses avienent Mais celes qui miex i avienent Por entendre, legierement Avons nous retraites briement Sen laisserons, atans ester Por le feu, de lair deviser Dou feu et des estoiles qui sam blent chair et dou dragon li .xvii. capitles Suer lair est li feus tout entor Cest uns airs de grant resplendor Qui par sa grant subtilite Na riens de moistour, dedens se Et est tant plus clers de cestui Quil ne se puet pas prendre a lui

[initial: 25th row, opening initial /S/, 2 lines, in red with blue pen flourishing]

Cheir dus qua la terre ardans Et quant la vienent, por le prendre Si truevent ausi comme cendre Ou aucune fuelle porrie Dun arbre, qui seroit moullie Si ne croient pas bien adroit Cil qui cuident questoile soit Estoile ne puet pas cheoir Car toutes les convient movoir En lor cercle ordeneement Nuit et jor ades i element Dou dragon et que ce est LI dragons ne rest autre chose Fors que vapors seche et en close Qui molt sovent sasamble en haut Quaucune fois esprent par chaut Et quant esprise est, si ses muet Et sen vait plus tost quele puet Comme feus qui seroit haucies Tant qua terre sest rabaissies Ensi sen vait li feus volant Tant quau daerrain, Est tout noiant Tels choses ont senefiances En terre, daucunes muances Dou feu vous avons briement dit Et les .iiij. elemens descrit Comment luns et lautre est assis Si com diex, les a establis Le plus legier ou plus haut lieu

[initial: 13th row, opening initial /L/, 4 lines, in red with blue pen flourishing]