Image du Monde en vers

[Column A]

Q[ua]nt pouces il a demain doume Ou quantes milles estendues Ou quanz piez q[ua]nt pas qua[n]te lue Ou quantes jornees ja Jusq[ue] au ciel mes tant en ja Q[ue] suns hons i povoit aler Droite voie sanz arester & puest faire sanz sejor .XXV. milles chascun jor Encois seroit passez li tens De cent .m.&.c.l. anz & .vii. anz & demi avec Ainz q[ue] alez fust jusq[ue] iluec Q[ue] vis q[ue] aus estoilles venist Se li premiers ho[m] q[ue] Dex fist Adanz i fust toz jors alez Des lors q[ui] fu p[re]miers criez .XXV. milles chascun jor Ni fust il pas a tel labor Ainz eust a aler enquore P[ar] .vii.c. & xiii. anz des lore Q[ue] Adanz li ho[m] p[re]miers fu fez Q[ui] premierem[en]t fu p[ar]fez Aus rois a la parition En len de lincarnation .M.cc. .xlv. anz Tant meist a aler Adanz Des lors ainz q[ui]l fust jusq[ue] la Ou sune g[ra]nt pierre estoit la Q[ui] .c. anz au cheoir meist Il co[n]vendroit q[ue]le feist

[Column B]

Dedenz chascune ore de jor Dont il a xxiiii. ou jor Lx. milles & xiiii. & pl[us] demie une encore Encois q[ua] la t[er]re venist Ce p[ro]va qui cest livre fist Aincois q[ue] len meist avant Cest bie[n] .xl. fois autant Co[m]me uns chevaus pouroit a[m]bler Q[ua]des iroit sanz arester Or velt q[ui] puet sil veut ente[n]dre Sune pierre pourroit descendre En une ore tant [com] ge pose Tant seust faire meillor glose DEs estoilles vos di le no[n]bre Si [com] Tholomeus le nonbre En son Almageste q[ui] fist & toutes les pescha & quist Q[ui] len ja nul toutes netes & xxii. sanz les planetes Conter les povez sanz peril Entre tout .xxix. & mil Bien en puet om pl[us]sors savoir Mes pl[us] nen i puet len veoir Quem puisse choisir clerem[en]t Ne reconoistre es p[ar]tement Si es gart q[ui] garder i veut Car nus co[n]ter pl[us] nen i puet Mes nus ho[m] ne pouroit co[n]ter Tant seust en haut leu mo[n]ter Fors p[ar] un instrument gentil