Untitled Page 7

SOMMAIRES DU LIVRE DE JEAN D' IBELIN. 15

sors, si que celui qui est assené n'a pu estre paié de son fié, et il rent une autre année après, el tens d'autre seignor ou baill, tant que il puisse estre paié de quanque l'on li deit de son fié de vieill et de novel : coment et en quel cas il en deit estre paié sanz ce que le seignor ne le baill ₁ ne s'en puisse defendre por dire que : «ce l'on voz deit, se n'est mie de mon tens; por «quei je ne voz viaus paier que ce que l'on vos deit de mon tens.»
CLXXV. Quant home ou feme qui a et tient seignorie muert et a pluisors parenz à qui cel fié puisse escheir à qui il escheit, le quel deit aveir celle escheete devant toz ₂ les autres.
CLXXVI. Quant home ou feme qui a et tient seignorie ou fié muert et il a pluisors fiz ou filles ou autres parenz à qui cel fié puisse escheir, et 1'ainz né des fiz en a après lui la saisine et la teneure, et ces freres ou ces suers ont enfans et muerent avant de celui qui a et tient la seignorie ou l'irritage, et il muert après sanz heirs qui de lui seient dessenduz : le quel des heirs qui sereit dessendu de ces freres ou de ces suers ou de ces autres parenz deit aveir l'escheete de l'irritage ou de baillage.
CLXXVI bis. Ci dit que se voz avez à requerre au seignor aucune chose qui escheue vous soit, et voz avez preuve vaillable contre le seignor, et le seignor voz en veut faire grace; ne la recevez pas, ainz le provez, si come cort esgardera que provez le doiez.
CLXXVII. De quel mainiere de fié feme deit au seignor de qui elle le tient le mariage de sei marier par semonce , et de quel maniere de fié elle ne se peut marier sanz l'otrei dou seignor, ne il ne la peut marier ne efforsier de marier la par semonce ne autrement.
CLXXVIII. De qui les femes qui ont douaire le deivent tenir , et à qui le baillage peut et doit escheyr por raison.
CLXXIX. Quant le baillage escheit à feme, coment elle se peut garder que le seignor de qui elle le deit tenir ne la puisse marier par baillage.
CLXXX. Por quei celui qui ne viaut decervir son fié le deit comander au seignor de qui il le tient, avant qu'estreer.
CLXXXI. Coment le seignor se peut et deit metre el fié estrée, et quel perill et quel damage a et peut aveir celui qui estrée son fié plus que celui qui le comande.
CLXXXII Coment l'on peut et deit fié desmembrer par l'assise ou l'usage dou reiaume de Jerusalem.
CLXXXIII. En quantes manieres l'on peut son fié eschangier, et coment l'on peut fié eschangier, si que 1'eschange vaille.
CLXXXIV. Por quel chose l'on peut perdre son fié an et jor, et por quei ₃ tote sa vie, et por quei lui et ces heirs.
CLXXXV. Coment et por quei on ₄ peut vendre par l'assise partie de son fié , et coment et por quei on le peut vendre tot par laditte assise; et coment il deit estre vendu; et quant le fié est vendu , coment l'on deit fornir 1'assise , et dedenz quel terme le seignor deit faire paier les dettes de celui de qui le fié a esté vendu , et les quels dettes.
CLXXXVI. Coment celui a qui l'on a dette coneue en court, ou qui la preuve, deit dire et faire quant il en viaut estre paié par le seignor.
CLXXXVII. Quel gens ne pevent fié acheter par 1'assise, et la raison por quei il ne le pevent acheter ; et quel feme peut fié acheter et par quel raison elle le peut acheter.
CLXXXVIII. Que on deit faire de celui ou de celle de qui le fié a esté vendu , se la dette que il ou elle a coneue, ou que l'on li a provée en court, est plus que la vente dou fié.
CLXXXIX. Sur les quels des fiés des homes dou seignor son previlege ne peut ni ne deit porter garentie qui seit valable et sur le quei des fiés des homes le previlege de leur seignor peut porter garentie.
CXC. Por quantes choses et por quels l'on peut et deit estre deserité lui et ces heirs.
CXCI. Por quantes choses 1'on peut et deit estre deserité de son fié sa vie , et por quel chose on le pert an et jor.
CXCII. Quant un home est for jugié par court come traytor por trayson que il a faite vers son seignor , coment et por quei ces heirs deivent estre deserités dou fié et des fiés dou traytor.
CXCIII. Quel sairement deit faire le chief seignor, quant il entre premierement en sa seignorie avant que l'on li face homage.

₁ b. t. Ou baill d. e. manque dans a. — ₂ Toz. B. manque dans a. d. e. t. — ₃ Et por quel raison lui et ses hoirs. «.
— ₄ Ne. b.

Digitized by Google