SaintSepulchreInventory

Mansel et est escript son nom ou pié et poise marc et demi; lequel est en la chappelle que fonda Martin le Froumagier. Rayé pour ce qu'il fut emblé. 107. — Item, un calice blanc, doré dedens et les souagez, pessant vij o. xiiij e., lequel donna Pigon. Baillé en garde le premier jour (de) decembre iiijc et six par Jehan Coste, Jehan Guerin, Guy le Voyer et Jehan de L'Olive pour chanter à la confrairie Saint Morise en la main messire Louys Gillebert.

Et premièrement le cuyvre : 112. — Un vessel de cuyvre à un pié de cuyvre où il a deux angres (sic) estans portans un cristail où l'en porte le corps Nostre-Seigneur Jhesus-Crist du Saint-Sacrement et a à present reliques dedens. 113. —Item, deux grans plas de laton dorez ou il a ou fons en chascun un ecuçon d'asur à trois fers de molin d'or, brodé de guilles semez de chasteaux d'argent. 114. — Item, un pié de cuyvre à metre la grant croix sus le grant autel aus grans festes. · - Item, quatre petis chandeilliers de cuyvre pareux des six qui sont sus le grant autel. — Item, un grant chandeillier de cuyvre à pié d'yraigne.

116. — Item, quatre grans chandeilliers de cuyvre pour porter aus corps des confreres de la confrarie? et ont chascun iij piez. 117. — Item, quatre autres chandeilliers bien fournis qui ont en chascun ou millieu une rouelle tournant". 118. — Item, quatre autres chandeilliers qui furent de la confrarie Saint Cristoffle, dont l'un est rompu. Il est refait. 119. - Item, ij gros chandeilliers de cuyvre qui ont chascun iij lions ou pié, servens devant le grant autel pour metre les chan- deilliers d'argent dessus qu'il ne soit despecés. 120. — Item, iiij chandeliers de coyvre quarrés ; l'un fu perdu la nuit de Noel, sur l'autel du viez sepulcre, l'an III^xx et I. 121.- Item, iij autres chandeliers de cuivre, c'est assavoir ij paraulz et j plus petit.

129. — Item, un thapis à fleur de lis dont le chemp est vert et est l'anonciacion et le couronnement de Nostre Dame. 130. — Item, un autre thapis dont le champ est rouge et a ymage de Nostre Dame et des iij roys de Coulongne. Il fu perdu le jour du Saint-Sacrement l'an III^xx et I, en l'alée de l'ospital ou il tenoit à cloz. 131. — Item, un autre thapis losengé à lyons et à lycornes enman- tellés de manteaux armoiez des armes de Castille et d'Alençon, lequel est mis en deux parties. 132. — Item, un tapiz de laine de tapisserie de la Passion et Resur- rection Nostre Seigneur, lequel Guillaume Coignart a donné. 133. — Item, un autre tapiz de laine de tapisserie de histoire comme Nostre-Seigneur entra en Jherusalem et de l'invencion de la Vraye Croix. Ce sont les choses que les clers du Sepulcre ont en garde et lesquelx clers en ont un rolle des choses cy dessoubz contenues par maniere d'inventoire en parchemin.

Et premierement : 134. — Un messel noté, couvert de cuir rouge, à tout un kalendrier et a en un caier du Saint-Sacrement et du service de l'eglise du Sepulcre qui se commence : Ad te levavi et se fenist : Christi, amen; à deux fremailz d'argent. 135. — Item, un autre messel noté, couvert de cuir rouge, à tout un kalendrier, qui se commence : Ad te levavi et se fenist : Corporis sanitatem qui vivis, etc. 136. — Item, un autre messel de grosse lettre et de grosse note nocté, couvert de cuir rouge, à tout son kalendrier, sanz epitres et sans euvangilles, et se commence : Ad te levavi et se fenist : Sancto- rum civium, amen ; et a en la fin du Saint-Sacrement : Cum Deo patre, etc. 137. — Item, un epistolier de grosse lettre de mesmes la lettre du messel cy dessus escript, qui se commence : Fratres scientes ; et se fenist : In corpore vestro.

138. — Item, un euvangelistier de grosse lettre de mesmes l'epis- tolier, qui se commence : Cum appropincasset; et se fenist : In hor- reum meum. 139. — Item, un ordinaire à l'usage de Paris ou est l'anno qui se commence : Ordo servicii ; et y sont les commencemens des anthaines, des introites, des kyries, des glorias, des respons et des aleluyes, tout noté, et se fenist : Dilexisti justiciam ; et est couvert de cuir blanc. 140. — Item, un legendier de grosse lettre à tout un kalendrier à l'usage de Chartres, qui se commence : Passionem sancti Andree et se fenist : Miserere nostri; et est couvert de cuir blanc. 141. — Item, un grant breviere en deux volumes, tout une lettre, et est en l'un l'anno à tout un kalendrier et au commencement a le service du Sepulcre, et se commence l'ordinaire du temps de l'Avent et l'ordinaire des sains se commence à la Saint Andrieu et se fenist ceste moitié par une legende de la translation monseigneur saint Nicolas et est couvert de cuir blanc; et l'autre moitié se commence par Bea- tus vir, à tout son kalendrier. Et ou devant a ajousté la legende madame sainte Marguerite et l'ordinaire du temps se commence par : Loquere Domine ; et celui des sains se commence à la feste saint Germain et sont ou millieu les services du Saint Sacrement et de ceste eglise et est couvert de cuir blanc. 142. — Item, un greel noté à tout son kalendrier qui se commence : Ad te levavi et se fenist : Sanguis Domini, alleluya. 143. — Item, un antiphonier noté à tout son kalendrier et au com- mencement a le service du Sepulcre et se commence par : Esse nomen Domini et se fenist : Nunc jam ; et est couvert de cuir blanc. 144. Item, un autre antiphonier nocté à tout son kalendrier ou est le service du Sepulcre au commencement et se commence par : Esse nomen Domini et se fenist : In perpetuum, amen; et est couvert de cuir blanc. 145. — Item, un psautier ferial notté de grosse lettre à tout son kalendrier qui se commence : Nocte surgentes et se fenist : Servet a nocentibus ; et est couvert de cuir blanc. 146. — Item, un autre psautier ferial de grosse lettre à son kalen- drier et se commence par : Nocte surgentes et se fenist : Conditor et redemptor ut supra; et est couvert de cuir blanc. 147. — Item, un autre psautier ferial de bonne lettre à tout son kalendrier qui se commence : Nocte surgentes; et a en la fin les heures de Nostre-Dame, sanz note, et se fenist par : Ducat nos regina celo- rum, amen; et est couvert de blanc.

148. – Item, un autre psautier ferial sans note qui se commence par : Nocte surgentes et se fenist par : Magis; et a en la fin ajousté le service des mors et de pluseurs anthaines et oroisons de pluseurs sains et est couvert de cuir blanc. 149. — Item, un manuel de grosse lettre à l'usage de Paris ou sont le (sic) sept seaumes et la lestanie, l'ordenance de baptisier enfans, l'or- denance d'espousailles, le service de mors et de commandacions et se commence par: Adjutorium nostrum et se fenist: Super peccatore; et noté et couvert de cuir blanc. 150. — Item, un collectaire de grosse lettre à l'usage de Paris, ou sont les oroisons et chappitres de toute l'année et au commencement a l'ordenance à faire l'eaue benoiste au dimenche et se commence par: Adjutorium nostrum et se fenist: Per Dominum nostrum; et est couvert de cuir blanc. 151. — Item, un processionnere noté de bonne lettre ou sont les oroisons qui appertiennent aus dimenches et aus festes et se com- mence par: Incipit ordo processionnum et se fenist : In die assencio- nis; et est couvert de cuir blanc. 152. — Item, un autre processionere noté de grosse lettre qui se commence par: Incipit ordo et se fenist: Cremine cunto (sic) evovae; et est couvert de cuir blanc. 153. — Item, un autre petit processionnere noté ou il a au com- mencement la thable des respons qui dedenz sont et se fenist par : Invenientur; et est couvert de cuir blanc. 154. — Item, un autre petit processionnere ou est la table des res- pons qui dedens sont et se commence: Hic incipit et se fenist : Sem- per gaudere; et est couvert de cuir noir. Il est perdu. 155. — Item, un messel à tout son kalendrier ou est au commen- cement le service de la messe du Sepulcre et se commence par : Radix Iesse et se fenist : Oblata salute; et est couvert de cuir blanc. 156. — Item, un autre messel de grosse lettre à tout son kalendrier qui se commence par : Resurexit et se fenist : Superexaltatur in secula ; et est couvert de cuir rouge. 157. - Item, un breviere en deux volumes, sanz note, qui sont enchainés dedenz le cuer de ceste eglise et se commence l'un par : Beatus vir et se fenist : In secula seculorum, amen ; et l'autre se com- mence par : Beatus vir et se fenist : Inimici destruatur. 158. — Item, deux autres viez brevieres enchainés ou cuer, dont l'un est noté de menue note et se commence par : Beatus viret se