SaintSepulchreInventory

fourrée de thoille noire, aube et emit paré de mesmes et aussi estolle et fanon de mesmes et une sainture de soie faite au thisu.

282. —Item, une autre chasuble d'un samit d'estive vermeil à j petit orfrois d'or, estolle et fanon de mesmes fourrée de bougran noir, un aube et un emit paré d'un drap d'or de Lucques dont le champ est violet.

283. —Item, une autre chasuble d'un bougran blanc, estolle et fanon de mesmes, tout doublé de bougran noir, aube et emit non parez.

284. —Item, un bon messel sanz note avec le kalendrier qui se commence : Ad te levavi, et à la fin est le service du Saint-Sépulcre.

285. —Item, un oreillier de soie avec une taille de fy ouvrée de soie, sus quoy on met le livre quant on vueult chanter.

286. —Item, un calice d'argent doré dedans et dehors pesant xiiij onces un esterlins et est escript ou fons : Thomas Mirel.

287. —Item, une porte paix de fust et deux buretes d'estain.

288. —Fautes des choses dessusdictes : premierement vj nappez, ij aubes, j petite toialliere à essuiez les mains et le parement d'un aube et d'un amit dont le champ est de violet; present messire Simon Legros lequel ouvry le coffre, Anfroy Quiquebelle et Jehan Lambert, prestrez, etc.

LA CHAPELLE DE LA BENOISTE ANONCIACION DE LA VIERGE MARIE ET AUSSI EN L'HONNEUR DES GLORIEUX MARTIRS MONSEIGNEUR SAINT DENIS ET SES COMPAIGNONS.

Cy après s'ensuient les deux prouvendes fondées en la chappelle que l'en dit Nicolas de Lusarches et Jehanne, sa femme, fondées en l'on- neur et en la reverance de Dieu et de la benoiste Anonciacion de la Vierge Marie et aussi en l'onneur et en la reverance des glorieux martirs Monseigneur saint Denis et ses compaignons..

Ce sont les aornemens appartenans aux deux benefices dessus diz en la chappelle de l'Anonciation Nostre-Dame et de Monseigneur Saint- Denis, à la destre du cuer.

289. —Et premierement, un autel portatif de mabre enchassé en fust.

290. —Item, un messel complet noté à tout le kalendrier commen- çant : Ad te levavi et fenissant : Per eumdem; et j oreillier à mettre dessoubz.

291. —Item, un calice d'argent doré dedans et dehors, pesant xv onces ou environ.

292. — Item, une porte paix de cuyvre esmaillé. 293. — Item, un estui à corporaux de fust ou il a dedans ij cor- poraux. 294. — Item, une chasuble d'un samit thané avecques aube, emit, estolle et fanon tout de mesmes. 295. — Item, un estuy à coporaux de soie à couronnement de bro- derie et ij corporaux dedans. 296. — Item, une chasuble de bougran blanc, à un petit orfrois doublé de bougran noir, aube, estolle et fanon parez d'un bougran noir. 297. - Item, une autre chasuble d'un samit vermeil à un orfrois coponé à fleur de lis et à autres ouvrages, fourré de toille noire et un aube et un emit parez d'un drap de soie, une estolle et un fanon d'un autre drap de soie. 298. — Item, vj nappes d'autel dont l'une est parée d'un drap de soie. 299. — Item, ij chandeilliers de cuyvre. 300. — Item, ij buretes d'estain. 301. — Item, j coffres ou sont les choses dessus dictes.

C'est la fondacion Rogier Sanson, fondée par ses executeurs en l'an de grace mil IIIC III/xx et seize, le samedi veille de Pasques fleu- ries, quatorze jour du mois d'avril. · · · · · · · · · · · · · · · · · · · · · · · · · Cy après sont les aournemens baillez par les gouverneurs et messire Pierres des Mares, chanoine dudit beneffice, en l'an mil IIIIc et onze, ou mois d'avril.

302. — Premierement, ung calice doré dedans et dehors que donna Jacquet le Barbier, pesant marc et demi. 303. — Item, ung chasuble de racamasa d'or à champ viollet, dou- blée de toille asurée, estolle et fanon de vaudequins, et aulbe et admit parée de sendail vermeil. 304. — Item, ung autre chasuble de blanc, vielle, doublée de noir, estolle et fanon et aulbe non parée. 305. — Item, iij nappes sans parement.

306. —Item, ung messel à tout un calandrier commançant : Ad te levavi et fenissant : Separemus.

Item, un oreillier garny de iij pierres de cristal.

LA CHAPPELLE DE SAINT-SANÇON, SAINT-JACQUES ET SAINT-CHRISTOFLE Cy après s'ensuit la prouvende qui fu fondée des executeurs de feu Guillaume le Paige et de Guillaume Hamon, de Dol en Bretaigne, et aussi de Jehan Porret et de Jehanne, [sa] femme.....

Ce sont les aornemens appartenans à la chappelle cy dessus escripte.

308. —Premierement, un calice d'argent doré dedans, pesant vi onces largement, et un estuy de cuir.

309. —Item, un autel de mabre portatif enchassé en fust.

310. —Item, un très bon messel senz note à tout un kalendrier, qui se commence : Ad te levavi et fenist : Explicit missale ad usum parisiensem ; et est enluminé d'or et d'asur.

311. —Item, un petit oreiller de soie envelopé d'une toiaille fran- gée de longues franges de soie noire.

312. —Item, une chasuble de drap d'or fourrée de toille vert, estolle et fanon de tharthaire vert doublée de thoille noire, aube et emit (et un parement de thartaire vert pour l'aube].

313. —Item, un estuy à corporaux de drap d'or et est le champ vert, fourré de cendal rouge à tout ij corporaux.

314. —Item, une porte paix d'ivyre entaillé d'ymaiges enlevez.

315. Item, trois nappes (dont l'une est parée d'un drap de soie vermeil dyapré.

316. Item, une boiste de madre à metre pain à chanter.

317. Item, un petit plat de Lymoges.

318. —Item, ung chasubles à oiseaux d'estoille (sic) destainte, estolle et fanon de mesmes.

319. —Item, une aulbe et ung amit sans parement.

Ce sont les aornemens des chappelles qui cy après s'ensiuent.

Et premierement: La chappelle de l'autel Nostre-Dame laquelle Jehan Coulon a fondée et dedoée de trente-six livres huit sols parisis si comme les chanoines... et doit estre le chappellain aus heures et prendre les distribucions comme les chanoines et doit chanter chascun jour messe et la grant messe à son tour et non plus.

320. —Premierement, un coffre ou sont les choses qui s'ensuivent, c'est assavoir un calice d'argent doré dedans et dehors, pensant xiiij onces, et un estuy de cuir. 321. —Item, iij nappes à mettre sus l'autela Jehan de l’Olive. 322. —Item, un messel complet couvert de rouge qui se commence: Ad te levavi et se fenist : Electorum amen.

323. —Item, un estuy à corporaux d'un drap de broderie et ij cor- poraux dedans.

324. —Item, une chasuble de toille rouge fourrée de toille noire avecques aube et emit parez, estolle et fanon de mesmes.

325. —Item, un autre chasuble d'un drap d'or, estolle et fanon de mesmes, tout doublé de toille asurée, aube et emit parez d'un autre drap d'or et une sainture de soie.

326. —Item, un aube et emit, une estolle et fanon d’un drap d'or.

Non habuit quia in thesauro, igitur radiatur.

Les aornemens de la chappelle du voult de Lucques et est fondée de vint-quatre livres par an et les distribucions du cuer (par feu Huge- lin Bellon et autres, le xe jour de juillet l'an mil IIIC XLIII].

327. —Premierement, un coffre lonc ou sont les choses qui ensiuent :

328. —Item, un autel benoist de mabre noir.

329. —Item, iij nappes; une porte pais de fust.

330. —Item, un calice doré dedans et dehors, pesant j marc.

331. — Item, un messel à l'usage de Paris qui se commence : Ad te levavi et se fenist : Separamus partes (?); et est noté, couvert de rouge. 332. — Item, deux paires d'aournemens, les uns d'un drap de soie fourrée de toille vert avecques aubes, emis pareux, estolle et fanon de mesmes. 333. — Item, un estui à corporaux avecques ij paires de corporaux. 334. — Item, un coisin à mettre soubz le messel. 335. — Item, ij buretes d'estain et un essuyoir à mains. 336. — Item, un estuy à mettre pain à chanter.

Ce sont les aornemens de la chappelle feu Raoul de Periers.

Et premierement : 337. — Un calice d'argent doré dedans et dehors, pesant marc et demi, et un estuy de cuir. 338. — Item, un messel sanz note qui se commence : Ad te levavi et se fenist par le service du Sacrement, et a deux fermaux d'argent. 339. — Item, iiij nappes de quoy les ij sont parées, l'une d'un drap d'or et l'autre d'un drap destain. 340. — Item, une chasuble d'un drap d'or sus un champ rouge, aube et emit parez, estolle et fanon de mesmes, et doublée de toille asurée. 341. — Item, une autre chasuble de bougran blanc, fourré d'un autre noir, aube et emit parés, estolle et fanon de mesmes. 342. — Item, un estuy à corporaux d'un drap d'or sus un champ d'asur et a avecques ij corporaux. 343. — Item, ij buretes d'estain, une porte paix et un chandeillier de cuyvre.

La chappelle Saint-Soubbastien et Sainte-Marguerite que fonda jadiz Pierre Coquelet, une chappellenie chargée de..... messes et est ladicte chappelle à la senestre du cuer et la tinst de premiere fondacion messire Thomas Dubus.

Cy après s'ensuivent les aorneme.is de ladicte chappelle.

Et premierement : 344. — Un petit autel benoist portatif rompu. 345. — Item, iiij nappes d'autel sanz paremens. 346. — Item, un aube et un emit sanz paremens.