63v

[Column 1]
Si a la pance dure et plaine
Li cuivers qui tant seit de boule
Trait la langue fors de la goule
Les elx et les deus rechingne
Et en ceste meniere engingne
Les oiseaus qui gesir le voient
Certamement tout mort le croient
Donc descendent por lui bechier
Mais quant il se voit aprochier
Pres de ses dens et il sent aise
Si felenessement les baise
Qant en sa gueule sont enclos
Qui tout devore char et os
Cil goupil qui tant seit delart
Que vous apeleiz ci Renart
Senefie le mal goupil
Qui le peuple met en essil
Cest li malfeiz qui nous gerroie
Chascunior vient seur nos en prie
A celx qui vivent charnelment
Se fait tous mors certamement
Por ce que plus pres les atraie
Mais en lui na point de manaie
Puis quil le tient en son go[y]ion
Tost les devore cilt larron
Come li goupis fait loisel
Qant le sent pres de son musel
Mais il ia oiseaus plusors
Qui guiches et les estors
Dou goupil aparcovient bien
Si ni descendroient por rien
Li jais idescent et lapie
Etmaint qui ne se sevent mie
De la grant traison gaitier

[Column 2]
Moult sont legier aengingnier
Defole gent est autresi
Tant sont apres et ad empti
A lecherie amauvaistie
Quiia nenseront chastoie
Deus quil chieent en dens renart
Dont vient li chastoiers atart
Li sages qui bien aparcoit
Le larron qui les folx decoit
Se trait ensus des lecheries
Des ivresces des buveries
Dont les grans ordures norrissent
Qui et cors et armes porrissent
[image]
La nature de lunicorne
Or vous dirat de lunicorne
Beste qui na que une corne
Ens enmi lieu dou front posee
Iceste beste est si osee
Si combatans et si hardie
Qas olifanz prent aacte
La plus ose beste dou mont
De toutes celes qui isont
Bien se combat alolifant
Tant a lepie dur et trenchant
Et longle dou pie si agu
Qui riens nenpuet estre feru
Que ele ne perce ou le fende
Na pas pooir de soi dessendre

[Image, col. 2, lines 14-19: Jesus Christ, the Virgin and an angel. Illustration framed in pink border is placed right above the new chapter on the nature of the unicorne. The illustration contains eight figures dressed in blue and red robes, including Jesus Christ, the Virgin Mary and an Angel. To the left, kept on a leash, a unicorne (?). The illustration visually translates the text below. The image has a gold leaf background.]

[Initial, col.2, lines 20-21, /O/, 2 lines, in blue with red filigree.]
[Initial, col.2, line 14, /C/, 1 lines, in red.]