27r

[Column A]

DAufriq[ue] qui luecques prent fin
En cel pais a une gent
Plus notre q[ue] pois narrement
Car il fait si chaut cele part
Q[u]il semble q[ue] la t[er]re art
De la Ethiope na riens
Fors de sers & t[er]res sans biens
Bestes sauvages & vermine
Car la t[er]re la se define
des isles e de lor choses
Puis q[ue] descrite anons la t[er]re
si devons des illes enquerre
Celes q[ue] nos savons noumer
Dont il a maintes p[ar] la mer
Contre Erope estaindre
Une g[ra]nt ille & puis colcos
Ou la toison dor fu trouver
Si co[n] laventure est contee
En cele estoire de Jason
Une autre ille q[ua] non Nason
De cele fu saint Denis nes
Q[ui] en france fu martires
Contre aise en a .lvii.
Mes dou conte noudrom abatre
Car toutes pas ne noumebons
Une ja de los est ses nons
Q[ue] ap[re]s le deluge aparut
Premierem[en]t q[ua]nt il descrut
Une autre i est q[ua] no[n] melot
P[our] la melodie q[ue]n iot
Des dous chans des oisiax p[ar]lans
En cele croist li marbres blans

[Column B]

Un autre i est q[ue] no[n] Pathmos
Dont Sebile fu qui mains mos
P[ar] phetiza de Jh[es]u Crit
Le tans en cois q[u]il nasquist
Aroume ou ele fu mandee
En celle ille fu controuvee
La maniere des pos de t[er]re
Quen fait encore en mainte t[er]re
De cele fu Pitagoras
Uns philosophes q[ui] lucas
& les poins trova de musiq[ue]
Une ille vest encontre aufriq[ue]
Sardoine ou une h[er]be croissoit
Q[ui] en mengeroit si mouroit
Une q[u]a non botus ja
Ou serpent ne v[er]mine na
Si a une autre cotunbine
De serpens plaine & de v[er]mine
Un autre i est & longue & lee
Ou la fonde fu co[n]trouvee
& cele a no[n] baleares
Si est lile de meroes
Qui en mile jor na point do[m]bre
En cele a vii. puis q[ui] p[ar] no[m]bre
A un piele & c. p[ar] font
Ou li soulans luist iusq[ue] au fons
Une autre ja q[ua] no[n] alla
Ou li ticlope furent ja
Une ille ot cele part si g[ra]nt
Si co[n] Platons nos va disant
Q[ui] fu uns clers de m[ou]lt g[ra]nt p[ri]s

[Initial: Column a, line 10, a 2-line initial P in blue with pen flourishing in red.]