28r

[Column A]

Connue chevaus ausint bie[n] a
Li chevaus piez de centicore
& si puet en bien dire encore
Qui la cors de monoceros
Car il se resemblent de cors
Ausint lor semblent les nos beste[s]
Diverses de cors & de testes

Des div[er]setez q[ui] sont en Erope & e[n] Afriq[ue]
Maintes choses a p[ar] de ca
Dont il na nule p[ar] de la
De v[er]s Illande sus la mer
Voit len auques oisiax voler
En arbres croissent p[ar] les bes
& q[ua]nt il sont de mourir p[re]s
Cil qua t[er]re chiet ne puet vivre
& cil en eue sont de livre
En islande a une ille g[ra]nt
Sanz male beste & sanz serpent
Qui de cele t[er]re aillors porte
La v[er]mine i est tantost morte
Une autre i est bie[n] loig en mer
Ou fame ne puet demourer
Ne li oisel q[ui] sont femele
Serraient cuir en sus de cele
Si est un autre ou nule genz
Ne puet mourir en nes un tens
Mes q[ua]nt il sont viel & crolant
& a soi meismes faillant
Si q[ue] ne se puet sostenir
& quil ont pl[us] chier a morir
Q[ue] vivre si ^se font porter

[Column B]

En autres leus p[our] devier
Outre est autre q[ua] no[m] Q[ui]lle rile
Li arbre q[ui] sont en cele ille
Tienent lors fueilles env[er] dorz
P[our] ver & este touz les jorz
Ce le p[ar]t nacun jor en len
Dont la nuiz dure demian
Vi mois de len a des oscure
Puis vient li jorz q[ui] .vi. mois dure
En Illande est uns autres leuz
Q[ui] jor & nuit art co[m]me feuz
Q[ue] len apele purgatoire
Sanz repavier est cele encore
Q[ue] si li entre aucunes genz
Q[ui] ne soient bie[n] repentanz
Tantost est ravis & p[er]duz
Qu[er]e ne set quil est devenuz
Si lest confes & repentanz
Si vait & passe mainz torniez
& ses purge de sez pechiez
Com pl[us] en a pl[us] li est gries
Q[ui] de cel leu revenus est
Nule riens james ne li plet
En cest monde ne james jor
Ne rira mes touz jorz emplor
& gemissent les maus q[ui]l font
& les pechiez q[ue] les genz font
En i cele ille amont g[ra]nt
De soufre nuit & jor ardant
En Bretaigne ra cedit on
Une fontaine & un perro[n]