28v

[Column A]

Q[ua]nt lengiete leue desus
Si vente & pluet & rechiet ius
De la ot genz dune maniere
Q[ui] queues orent p[ar] derieres
Si ralen en france veu
Une gent qui furent cornu
Unes fames av[er]s les monz
Q[ui] boces ont souz les mentonz
Q[ui] lor pendent ius q[ue] au mamele[s]
& sont la tenues p[our] beles
Autres gens ont ou dos g[ra]nz boces
Autres si tort qui vont a croces
& cil q[ui] voient cex afaires
Souvent ne semmerveille[n]t guere[s]
Muez & sorz revoit on nestre
Genz q[ui] doume & de fame ont estre
Sanz braz a len veu souvent
& sanz piez nestre aucune gent

{FIN DE LA TRANSCRIPTION EQUIPE BIS}

La maniere de nos bestes
Li groupiz p[our] les oisiaus prendre
sennet au chans [com]morz estendre
Li cers menjue aucun serpent
P[our] renouveler son jouvent
Se boz niraigne lome mordoit
Li hom souvient la mort pre[n]droit
La salue dou meicum
Tue liraigne & bat [com]mu[m]
Dome se vos vient au desus
Sansue li premiers veuz
Li leus emporte sanz mal fere
La berbis quil venait contraire

[Column B]

Souef la gite sor son dos
Puis la deriore en son repos
Liraigne trait de ses entrailles
Le fil dont ele fait ses tranailles
P[our] prendre mouches a son v[er]s
Q[ue] uns hom ne les feroit miens
Q[ua]nt la singesse a .ii. faons
Si aime lun & lautre no[ns]
Lun comporte entre ses braz
& li autres la sient touz las
Li chiens les biens so[n] seignor garde
Domme est beste & male garde
M[ou]lt tres bien connoist son seignor
& si laime de g[ra]nt amor
Q[ue] souvent avient q[ue] a la mort
Nel vent guerpir na droit na tort
& de la mort tant se doldra
Que de duel souvent en morra
En aucuns leus en englet[er]re
A chiens qui larrons vont q[ue]re
Q[ua]nt riens ont lor seignor emble
& vont tant q[ue] il lont trouve
La belete qui est petite
Quiert & ocit le basilique
Si se combat tan au serpent
Quelle locit outreement
Ses faon ciaus souvent remuet
Q[ue] a paines nul trouver empuet
Li hericons poumes abat
& de sus semet & embat
Les poumes en ses aguillons