32v

[Column A]

P[lu]s chiere quil ne sont bo[n] vin
Autres fontaines aillors gisent
Q[ue] in plaies & maus Diex garissent
Autres sont qui redent memoire
Autre oubliance & sont enquore
Autre qui luxure refraignent
& autres qui luxure engraigne[n]t
& autres qui les fames font
Porter enfanz q[ui] nul ne[n] ont
Autres les sont brahaignes estre
& de port[er] lor tollent lestre
Flun sont qui font noires berbiz
& autres blanches [com]me liz
Si sont estanz ou nule riens
Ne puet nouer ne bouf ne chiens
Ne autre beste ne nus poissons
Q[ui] tantost ne sen aille au fons
Autre ou riens afonder ne puet
Mes p[ar] desus floter les tuet
Unes chaudes fontannes sont
Q[ui] les larrons avugler font
Q[ui] se p[er]jure dou mefet
Dou larrecin quen fus li met
& sen la ramist p[our] noient
Sen boit & voit miaus q[ue] devant
De ces choses ne puet len rendre
Raison fors q[ue] miracle entendre
Une fontaine est clere & coie
Q[ua]nt foz lui ariens q[ue] se joie
Ou tinbre ou viele reso[n]ne
Ou autre estrumanz q[ui] cler so[n]ne

[Column B]
Si se lieue ausint co[m] de joie
& sespant p[ar] aval la voie
Autres fontaines sont aillors
Dont li cas sont m[ou]lt m[er]veillos
Mes atant nos entendrons ore
Care ne savo[n]s pas tout encore
Si diro[n]s de ce quil avient
P[ar] leue qui son droit corz tient
P[ar] de sus t[er]re & p[ar] dedenz
Dont souvent avient crollemenz
Q[ue] la t[er]re si fort sesmuet
Q[ue] plusors choses lestuet
Cheoir & v[er]ser p[ar] le monde Co[m]m[en]t la t[er]re
Ci fenist ceste mapemonde crolle. & fe[n]t
Or entendez du movement
De coi la t[er]re crolle & fent
Q[ue] aucune gent apelent crole
Q[ui] souvent esbahit gent fole
Dont maintes citez sont fonduee
Q[ui] on puis ne furent veues
Telz crolles vient p[ar] eues g[ra]nz
Q[ui] vont p[ar] les ^terres courans
Si q[ue] p[ar] le deboutement
Des ondes naissent aucun vent
En cav[er]nes q[ui] soz t[er]re
& li airs qui laiens se serre
Q[ui] est enc[l]os en g[ra]nz destroit
Se la t[er]re est foible endroit
Q[ue] la ne puisse retenir
Cel air qui sefforce daissir
Si sa oevre t[er]re & se fent