Image du Monde en vers

Qui rouge est au fonz et entour En perse est un fluns lons et lez Qui de nuiz est si engelez Que bien i puet aler la gent Et de jours est clere et courant Une fontaine est en epire Dont merveilleuse est la marine Quen i estaint brandons ardanz Et puis les reprent en dedenz En ethyope une autre en a Qui par nuit si grant coleur a Quon en puet boivre et est de jorz Si froiz come sil gelast touz En loheraine pres de mez Ilecques sourt une eue ades Que len cuit em paele grans Si devient sel et bel et bons Icele eue que je devis Porvoit de sel tot le pais Et sourt en .i. puis pres diqui

Quen apele le puis davi Si a fontaines cele part Qui sont si chaudes quen si art Et en meismes cele place Sordent autres fredes con glace Ilec sont li baig apreste De chaude et de froide mesle Car qui baigne en ses bains Son cuir devient et bel et seins Si a unes noirres fontaines Que maintes ^gens tiennent a saines Que il vont boivre por poisons Et font souvent purgations Plus forz cune grant medecine Que len recoit bone emplevine Une en i a vers oriant Dont le ^/. feu ^/. fet greiois ardant Ou autres choses quon i met Qui est si chaut quant espris est Que deue estaindre nu puet on

Dynde et des choses qui i sont Et sourt dun mont chorobates Et siet par devers orient Et chiet en la mer doccident Li autres, Gions, ou nilus Rentre en terre petit ensus Et par de deus terre sen cort Tant qua la rouge mer resort Et toute ethyope avironne Si quen .vij. parties se donne Et vait par egypte courant Tant quil rechiet en la mer grant Thygrys, et dont eufraties Sordent en armonie pries Dune grant montaigne en viron Qui mons perchoatus anon Et sen vont par mainte contree Dusquatant quilont encontree La mer maior ou il se fierent Si com lor natures requierent Dusqua paradis tout entor A lieus molt divers sans retor Car nus hom ni porroit trov[er?] Point de son vivre nabiter Por les bestes males et fieres Qui la sont de maintes manieres La sont gaiant et kanelis Qui tout devenrent comme leu Apres vient la contree dynde Qui dune aigue qui anon ynde Qui sourt devers septemtrion

[initial: 3rd last row, opening initial /A/, 2 lines, in blue with red pen flourishing]

Une terre riche et garnie Et puis la terre de surie Jherusalem et le pais La ou diex fu et mors et vis Gresce, lombardie, toscaigne Gascoigne, rommenie, espaigne Alixandre et maint bon pais Autre que je ne vous devis Si a cites et regions Qui des bestes prennent lor nons Qui habitent en ces pais Dont les cites ont formes pris Dont Rome a forme de lion Troie de cheval ce dist on Ethyope siet vers la fin Daufrique, qui iluec prent fin En ce pais a unes gens Plus noirs, que poivres narremens Car il fait si chaut cele part Quil samble que la terre i art De la ethyope na riens Fors desers et terre sans biens Bestes sauvages, et vermine Et vers la grant mer se termine

Des isles et de lor choses li .v. capitles

Puis que devise avons terre Si devons des isles enquerre Celes que nos savons nommer Dont il a maintes par la mer Contre europe est avidos

[initial: 26th row, opening initial /P/, 4 lines, in blue with red pen flourishing]

Car ele estaint carbons ardans Et puis les resprent, on dedens En ethyope, une autre en a Qui parnuit si grant calour a Con nen puet boire, et est de jors Si froide, quele engele tous En lohorainne pres de mes La cite, keurt une aigue ades Que on cuist, en paeles grans Si devient sels, molt biax et blans Icele aigue, que je devis Porvoit de seil, tout le pais Et sort dun puis, quest apeles Li puis david, deluec molt pres Sira fontainnes ce le part Qui sont si chaudes con si art Et en meismes cele part Place Sordent autres, froides com glace Iluec sont, li baing atempre De chaude, et de froide mesle Cil qui se baingnent en ces bains Lor cuirs lor devient biax et sains Sira unes autres fontainnes Que maintes gens, tienent asainnes Quil vont boire, por pocions Et font sovent, purgations Plus fors que ne medecines Que on prenderoit, por mecines Une ena devers oriant Dont on fait feu gryois ardant

[initial: 7th row, opening initial /E/, 2 lines, in blue with red pen flourishing]