Image du Monde en vers

Qui tant a toutes gens greva Que la lune en fu entoschie Et sa clartes amenuisie Des .vij. estoiles qui isont Dou firmament ou lor cors font Dont nous avons parle avant Ne connut on premierement Fors les .ij. qui apperent miex Ce est la lune et li soliex Les autres ne connoist on mie Se ce nest, par astronomie Et nequedent ses nommerons Por ce que parle en avons De celes a .ij. sor la lune Lune sor lautre dont chascune A en terre, proppres vertus Cest mercures, et puis, venus, Desor ces .iij. est li solaus Qui tant est clers, et purs et bials Que clarte rent par tot le mont Et est si haut assis amont Que ses cercles, est .xij. tans Que cil de la lune plus grans Qui son cours en .xxx. jors fait Mais li solaus, qui plus loins vait De la terre, met a son cours . Ccc. et .lxvi. jours .Xij. tans plus et un peu outre Si com li kalendriers, Nous moustre,

Mars le mardi, par tel mesure Est li mecredis, tant quil dure De jupiter, est li guesdis Et de venus, li venredis Samedis est dis de saturne Li sains diemainches sahurte Au solail qui est li plus biax Por ce vaut diemainches miax Que nus des jors de la semainne Car cil jors est mis hors de painne Et celui jor doit ou mains faire Chose qui adieu soit contraire Mais puis keu cest secont escrit Avons le firmament descrit Si dirons apres daucun cas Qui amainnent, et haut et bas Autant vielt dire, diemenche Com jor de pais et de loenge Car toute riens doit ice jor Loer le sovrain creator Dou tour dou firmament et des estoiles li .xix. capitles. Por saturne la daesrainne Qui des .vij. est la plus hautainne Est li ciels que on voit si plain Destoiles, quant il fait serain Com cil qui tous en est voltes Cil ciels, qui si est esteles Est li firmamens qui tornoie De cui tor ist issi grant joie

[initial: 23rd row, opening initial /P/, 4 lines, in red with blue pen flourishing]

Puis volrent, dou solail enquerre Combien il est loing de la terre Et combien ses cors, ert de grant Si le troverent molt plus grant Que toute la terre dasses Quant ces .iij. eurent mesures Li solail, la lune et la terre Si peurent de legier enquerre Des autres estoiles apres Combien chascune, ert long ou pres Et la grandesce, de chascune Dont il ni troverent nes une Que ses cors nait plus de grandor Que la terre, dou tout entor Fors .iij. des planetes sans plus Ce est mercures, et venus Et la tierce, ce est la lune Ce sont i ces .iij. dont chascune Est plus petite, que la terre Dont cascuns puet, por voir enquerre Sil set lart, de geometrie Et avec ce, dastronomie Ce li convient primes savoir Ains quil puisse, enquerre le voir Mais por ce, que tout ne sont mie Bon clerc, maistre dastronomie Que il le puissent esprover Volvons nous apres raconter Combien la terre est longue en li Et com ele a despes enmi parmi

[Column A]

Lune sor lautre dont chascune En t[er]re a propres vertus Cest Mercurius & Venus Desus ces .ii. est li soulaus Q[ui] tant est clers & purs & biaus Q[ue] clarte rent p[ar] tout le monde & est si hauz asis au monde Q[ue] ses cercles est .xii. tanz Con cil de la lune pl[us] g[ra]nz Q[ui] son cors en .xxx. jors fet & li souleus qui pl[us] loig vet De la t[er]re met en son cors .CCC. & lxv. jorz .XII. tans pl[us] & un jor outre Sico[m] li kalandiers demostre & avec ce itant encores Le quart dun jor .ce sont. vi hores Car p[our] ce q[ue] div[er]sement Eust li anz coumencement Li uns de jorz lautre de nuit[z] Q[ui] a plusorz fu g[ra]nz ennuiz Fu cil quarz dun jor atornez A ce quen .iiii. anz est tornez Un jor outre q[ui] noumez est Bisextes qui en [ce] .iiii. anz nest Une fois dont len met p[ar]us De .iiii. anz en autre un jor pl[us] Car lors est en som premier poit Li soulaus revenuz a point Cest en mi Mars q[ue] erbe ragence Q[ue] li nouiax temps reco[m]mence

[Column B]

& toute riens trait a en mor P[ar] la v[er]tu de son retor Q[ua]nt a cel temps premierem[en]t Ot li mondes coumencem[en]t & p[our] ce revient [par] nature Chaucune chose en sa v[er]dure Sor les souleilg . a .iii. estoilles Cleres & luisanz co[m]me estoilles Marz. Jupiter. & Saturnus Lune de souz lautre desus Q[ui] est tant pl[us] haute des .vii. Q[ue] .xxx. anz a son cercle met I ces .iii. lor v[er]tuz retienent Es choses qui ca jus avienent Regarder povez p[ar] ces .vii.

[Image]

Ceste figure qui ci est Cest .vii. estoilles sicontez q[ue] eles sont pl[us] de poestez Au choses q[ui] de t[er]re naissent & lors v[er]tuz pl[us] si abessent Q[ue] nule autre dou firmament & ouvrerent es [par]tement Sico[m]me li ancien sage A p[ar]curent p[ar] lor usage De ses .vii. planetes demaine

Image description: Red ink drawing of seven concentric circles representing the firmament. The seven heavenly bodies are labelled in black ink on the relevant circle from the outermost to the innermost, respectively Saturnes, Jupiter, Mars, Sol, Venus, Mercurius, and Luna.

[Column A]

Prennent les jors de la semaine Lor nous sico[m] orrez ici La lune si a le lundi Marz le mardi p[ar] tel nature Est li mecredis sor Mercure De Jupiter est li juedis & de Venus li vendredis Samedis est dis de Saturne & li dimenches qui sa torne Au souleilg qui est li pl[us] hauz P[our] ce vaut li dimenches miauz Q[ue] nus des jors de la semaine Car cil jors est mis fors de paine & celui jor doit len mains fere Chose qui a Dex soit co[n]traire Mes puis quen est selonc lescrit Avons le firmam[en]t descrit Si dirons ap[re]s daucun cas Q[ui] avienent & haut & bas Autant vaut a dire dime[n]che Comme jor de Dex & loenge Car toute riens doit celui jor A ovrer v[ers] son creator Dou cors dou firmam[en]t & des estoiles Desus Saturne la daraine q[ui] des .vii. est la pl[us] hautaine Est li ciaus que len voit si plai[n] Des estoilles q[ua]nt fet serain Con cil qui touz en est mellez Cil ciaus qui est si estelez Est li firmamenz q[ui] tornoie

[Column B]

& de son tor a si g[ra]nt joie & si tres douce melodie Quil nest hom qui leust oie Q[ui] james vosist chose faire Q[ui] a Dex fust de rien contraire Tant baaroit a avenir A ce quil la peust oir Touz jors & avroit lonc soie Si tres joeuse melodie Dont aucuns furent q[ui] disoient Q[ue] li petit effant lo oient Q[ua]nt rioient en lor dormant Q[ue] lendit quil oent le chant Les angles Dex em p[ar]adis Q[ui] lor cuer en cele joie ont mis Mes de ce ne set nus le voir Fors Dex q[ui] tretout puet savoir Q[ui] les estoilles ou ciel mist & tel force avoir lor a p[eri]st Que[n] t[er]re na chose div[er]se Ne dedenz mer tant soit p[ar]v[er]se Qui ou ciel ne soit figuree P[ar] estoilles & co[m]passee Dont nus ne puet savoir le nobre Fors Dex qui p[ar] lui sol les no[m]bre Con cil qui tout p[ar] raison fist De celes quen ne puet veir Puet len bien le nonbre savoir & q[ue]re p[ar] astronomie Mes cest une bele mestrie Ni a estoille tant petite