Image du Monde en vers

li .xii. quele la reondesce de la terre est li .xiii. por quoi diex fist le mont reont li .xiiii. dele isnelete dou cours dou firmament, et des .vii. planetes Ci commence la seconde partie la seconde partie si contient .xix. capitles par parties, et .ix. figures li premiers capitles est comment la terre est devisee en diverses parties, et en la quele partie ele est habitee li secons est de la mappemonde et ou ele commence, si est dayse la grant, de paradis terrestre ou il siet, dynde, de la diversete des gens, et des bestes, des pierres, des contrees dayse la menor, des gens, des poissons, et des arbres qui isont li .iii. est deurope et des regions qui isont li .iiii. est daufrique et des contrees qui isont li quins des isles, et de lor choses li .vi. des choses deurope et daufrique de la maniere des bestes, et des oisiaus qui isont, li .vii. daucunes choses communes, li .viii. ou siet enfers et quels chose enfers est li nuevismes pour quoi laigue keurt par la terre, li disismes por quoi aigue douche, et salee, noire et chaude et envenimee sourt en terre li .xi. ou la mappemonde fenist et si est ausi de diverses fontaines

Comment on doit former parole Soit en latin ou en roumans Et en tous langaiges parlans Qui bien savroit toute gramaire Toute parole savroit faire Par parole fist diex le monde Car sentente est parole monde La seconde ars logique LA seconde ars si est logique Con apele dyalethique Ceste si prueve, voir et faus Par quoi on connoist biens et maus Qui bien savroit logique toute Bien et mal proveroit sans doute Par bien fu cries paradis Et por mal enfers establis La tierce ars rethorique LA tierce rethorique anon Qui est droiture de raison Et ordenance de parole Quele ne soit tenue afole De cesti sont li droit estrait Par quoi li jugement sont fait Qui esgarde sont par raison En court de roi, et de baron Et fors jugie des choses males De cesti furent decretales Estraites, et decres, et lois Qui mestier ont parmaintes fois Il connoistroit et tort et droit

[initial: 9th row, opening initial /L/, 4 lines, in blue with red pen flourishing]

[initial: 18th row, opening initial /L/, 4 lines, in red with blue pen flourishing]

Dau cune chose avoir raison Et aucune nature entendre Que raisons ni set que reprendre Tant com nus hom empuisse enquerre Par nature com oevre enterre Mais de tout savoir ne porroit Comment ne por quoi fait seroit Ce ne set nus certainnement Fors diex a cui raisons sestent Ou enfers siet, et quels lieus cest li .viii. capitles La terre devisee avons Par de hors si com nos savons Or nous convient apres enquerre Quel lieu il a dedens la terre Se cest enfers ou paradis Et ques chose vaut miex ou pis Cil lieus quen la terrre est enfers Je di que cest li drois enfers Car enfers ne porrroit pas estre En lair, nen lieu puist haut estre Nen ciel, car trop est biax et purs Car trop est lais viels et oscurs Et plus pesans que nule riens Par quoi on puet entendre bien Quen plus bas lieu a fait son estre Car haut ne porroit il pas estre Contrailes est a paradis Qui ou ciel est portes et mis Plus ensus dou ciel que puet estre Et est emmi lieu de la terre

[initial: 11th row, opening initial /L/, 4 lines, in red with blue pen flourishing]

Je ne di pas quenfers ne soit Aillors en queil part que ce soit Quapres lamort partout avra Painne et mal, qui deservi la Nis sor le ciel sil estoit mis Si avroit il encore pis Si cum daucun qui morir doit Se on en bon lieu le metoit Ou il eust joie et solas Tant seroit plus tristes et mas Quant il verroit que soulacier Ne se porroit ne la aidier Ainsi est il de ces chaitis Quen enfer se sont par als mis Que nous devons ci deviser Por miex nostre livre finer Comment enfers siet emmi lieu de la terre OR oies et si ne vous griet Comment enfers emmi lieu siet De la terre, et par quel nature Iluec est la painne si dure Que cil ont qui laiens sont mis Que diex ne tient pas por amis Bien aves oi et comment Se tienent li .iiij. element Li uns en lautre par nature Si quen mi est, la terre dure Quemmi le firmament se serre Tout ensi est dedens la terre Uns liex qui abysmes anon

[initial: 18th row, opening initial /O/, 2 lines, in blue with red pen flourishing]

DU secont vous est devisee La terre ou ele est habitee De la mape dou monde lestre Premiers de paradis terrestre Dynde, des diversetes grans Des arbres, des bestes des gens Des oisiaus, et daucuns poissons Et des choses que nos avons Ou enfers siet li dolereus De la painne au maleureus Qui laiens sont mis atorment Apres dou secont element Cest laigue, des Fluns, des fontainnes Chaudes, froides, males, et sainnes Qui sont endiverses contrees, Comment la mers devient salee Comment la terre crolle et muet Puis de lair comment vente et pluet Des tempestes, et des tonoires Dou feu, et des cheans estoiles De lair pur, des planetes .vij. Et comment li byssextes nest Dou firmament, et de son tor Et des estoiles tout entor OU tiers aves oi le cours Comment il est, et nuis et jors De la lune et puis dou solail Comment il livrent aparail Comment cascuns par sesplendor Aucune fois, et nuit et jor

[initial: 1st row, opening initial /D/, 2 lines, in red with blue pen flourishing]

[initial: 25th row, opening initial /O/, 2 lines, in blue with red pen flourishing]