Pages
(seq. 6)
nutriciam sempre in honore & aestimatione habebimus. Discedimus, si autem obliviscamini vestri desideratissima mater, et sui obliviscatur Dextera nostra. Sint Muri vestri semper musis, imò & gratiis recessus placidissimus. Propter Fratres & amicos nostros, eloquemur, Pax sit in te. Propte Domum Dei nostri quaeremus tibi bonum. Vivat & floreat Academia omnis bonae Literaturae etiam et religionis purae fons perennis. Vivat & floreat germana matris proles, Spes Patriae & Christi Gregis non minima. Docti Juvenes, Chari Fratres, Vos abire indictos vetat fratermus Amor. Dum revocemus tempus praeteritum, Chari Fratres, non exclamare non possumus, O nimium felices bona si nostra noverimus. Sed, ah miseri! Post est occasio calva. Quapropter, vos oramus & obtestamur, ut opportunitatem redimatis, pretium in manibus acquirendi sapientiam, pretium auro quidem pretiosius omni. Vivite, Academici, Deo & Patriae, Vivite Christo, in perpetuam ipsius gloriam & Ecclesiae Incrementum; Vivite & aeternum Valete!
Hic autem, Auditores, dum coetum intentis oculis perlustramus, in mentem subit memoria virorum qui e vivis cesserunt, Quos lugere mortuos nobis religio est. Hoc mense anni proximi morti occubuit D Johannes Fitch, filius unigenitus, proh dolor! aetatis flore divulsus.
(seq. 7)
Deinde supremum Diem obiit D. Johannes Davenport Collegii nuper Socius eruditus. Secutus est Pater ejus perquam Honerandus DD. Addington Davenport, Vir propriis meritis & Loco judiciario eximiè clarus. Etiam et e vitâ discederunt D. Walter Hastings & D. Mather Withington, qui sacris Literis operam navarunt et spem dederunt in Ecclesiam [?] Imò ah dictu tremendum! ascendit Mors ad Academiae fenestras & ingressa de Almae Matris amplexibus rapuit Filium Ezra Bourne nondum graduatum. Huic nostra, & Academiae suspiria.
Sic Rosa, sic Violae prima moriuntur in Herbâ
Candida nec toto Lilia mense nitent Nec omininò praeterire possum mortem D. Thomae Hollis, Holisii nostri munificentissimi [?] Nepotis, Holessii enim Nomen memorabile inter Lycei nostri Sacra reconditur nullo aevo periturum. Postea vitâ functus est Honoratissimus D. Thomas Fitch Vir quidem virtute & prudentiâ Civili & militari gloria Celeberrimus. [?] erum est illud Terra Obscuritatis - ubi nullus Ordo: Viam Lethi primò calcant filii, sequuntur Patres.
Siste Luctus, & ut de miseriis meritis nostris, sic et de misericordiis Dei parentis canamus. Permultos intuemur Illustres Viros superstites benignos quidem Rei nostrae literariae Fautores, quique constrictos Spiritus nostros sua praesentia recreant & permulcent. Intuemur & magnam
(seq. 8)
Juniorum catervam qui anno lethali lapso, ad hunc usque diem, Deo favente, vescuntur aura. Acedemia ferias agit & intuemur numerosam progeniem, filios tanquam rivulos ex hoc fonte literaris effluentes ut Dei civitatem laetificent. Patria pace fruitur, & maximis Dei beneficiis ornatum, quorum minimis sumus minores. Et pro Coronide, gratulamur vobis, Auditores Ornatissimi, regales nuptias Serenissimi Principis de Wallia una cum Serenissima Augusta de Saxe Gotha Principissa. Quid putatis, Auditores, ut ad vos me vestam, Quae surgere Regna? His nuptiis Deus loquatur de Familia servi sui Regis in plurimos annos. Vivat Caesar noster Britannicas Georgius Secundus donec viderit Natos Natorum & qui nascentur ab illis. Sed transit Gloria Mundi; et habetis reum confitentem quõd tantam rerum gloriam ferre recusent humeri, Solamini autem est illud, magnis tamen excidit ausis.
Et jam ad ultimum Vale Dies nos vocat invitos. Vale Gubernator Illustrissime, Tu quoque Vice Gubernator spectatissime, Valete Senatores Consultissimi, Valete Presbyteri maxime reverendi, Valeto venerandi Senatus Academiae Tuque Praeses Dignissime, Valete, Auditores candidissimi ad unum omnes qui Exercitiis nostris literariis benignos & oculos & aures praebuistis. Vobis omnia secunda & felicia apprecamur, & plurimum valere jubemus.
(seq. 9)
intueamur. Te, Vir Spectatissime, summa observantia prosequimur, Tibique Gratias agimus pro hoc Benevolentiae & indulgentiae vestrae Testimonio, & Te plurimum valere jubemus.-
Nunc autem ad Senatum Provinciae Consultissi— mum, quâ dam Reverentiâ, Humiles accedimus. Nos etiam Consiliarii perquam Honorandi, inter Patriae Patres & patronos annumeramus. Salutem Reipublica e vestris Consiliis pendere grati agnoscimus. Nos etiam, Patres Conscripti, inter Academiae Fautores laeti conspicimus. Quid autem, Auditores Candidissimi, etiam et Reipublicae magis prodest quàm sedulus literarum Cultus! Accipite igitur, Proceres Dignissimi, nostrum imo & omnium Amores & Benedictiones. Alma Mater, cum suâ prole, gratias vobis habet maximas quod nostris Exercitiis interesse & honoribus accumulare dignati estis; est etiam literis favere pergatis, exorat supplex. Valete, Honorandi Viri, & prosperis omnibus Fruimini.
Vos proximè Reverendi Ecclesiarum Presbyteri compellamus. Teste Deo, cui servitis in Evangelio Filii ipsius, Vos honore duplici digni estis, imò maximè utpote qui in sermone & in doctrinâ laboratis. Vos estis Sal Terrae; Lux Mundi. Servi Dei illius altissimi qui annunciatis nobis viam Salutis. Deum igitur summis laudibus efferrimus propter hoc beneficium plane Divinum: quod e patriae & Academiae
(seq. 10)
filiis suscitaverit Prophetas & Nazaraeos, Pastores scilicet qui pascunt Gregem Christi scientia & intelligentiae. Et in quantum Deus, fons bonorum omnium, mandato dedit vobis benedicendi munus ut nobis, Rev{eren}di in Christo Patres benedicatis, obnixè rogamus.
Jam tandem, Auditores, ad eos, qui ex officio res nostras curant, descendit vel potius assurgit Oratio. Inter hos vigilantissimos Curatores numeramus scilicet Clarissi{mu}m Gubernatorem, viceGubernatorem spectatissimum, Honorandos et venerandos vicinarum Ecclesiarum Doctores imò & maxime colendum Academiae Senatum Praesidem, Socios & Professores sive Professores & Socios Clarissimi Venerandi, Doctissimique viri, Domum nostri Israelis magnâ ex parte extruxit Academia; Vos estis ipsius Academiae & Fulchra & Ornamenta. Res nostras Acadmicas Prudentia & Diligentia manuum vestrarum gestas videmus. Fideli vestrae curâ Academia suo gaudet patrimonio, & Alumni suis privilegiis cohonestantur. Iura & Leges quibus Collegium sartum lectum manet, vobis, accepta referrimus. Inter vos dignissimos doctissimosque Viros intuemur qui nos Literis tum humanis tum Divinis excolere & bonis moribus ornare operam dederunt. Sed vestra erga nos egregia merita grato satis animo non possumus recolere, nec digno satis Encomio honestare; Et Tempus nos vetas in patentissimo hoc dicendi campo expatiari. Nunc egitur, Praestantissimi Viri, e vestra societate quem in Praesidis cathedram