162r

IN USE: no

A
Li autre le lor departoient
Ensi pluisor s'en departoient
Si com miels lor estoit avis
Qui mains en pensaisent tos dis
Si n'en retenoient sans plus
Fors tant seulement par lor us
Et voloient bien retenir
D'aucune gens por aus servir
Si quil nes covenist entendre
A rien nule fors c'a l'aprendre
Lor si faisoient lor maisons
Ensi com en religions
Ensus de gent et se metoient
ensi que ensanble venoient
La semaine .iii. fois ou quatre
Por aus solacier et esbatre
Et rendoient cascoun raison
Solonc la lor entencion
Tant quil avoient espove
Ce que cascuns avoit trove
Et faisoient de celui mastre
Qui plus conoistoit? de lor estre
Et plus estoit de grant sens
Si leslisoient par assens
Et cil recordoint les raisons
Apres cooit?? des compaignons
Et ensamble les recordoit
De ce que mestier lor estoit
Lors metoit cascun en escrit
Ce que li maistres avoit dit
Ensi furent premiers clergies
Controvees et avancies
Tant penserent si com porent
Quil de par Damedeu sorent
De coi tote science naist
Quant ?? partie de cequen est
Mais ne fu mie moult քtans
Ensi i misentmoult lonc tans
Car cil qui premerain estoient
tot ce qu'en lor tans en faisoient
Si en faisoient lor escris
Si com miels lor estoit avis
A ce ont lor entente mis
Car ce lor estoit granss delis
Par ce qui apres eus venissent
Qui entremetre sen volsisent
Tenissent les escris ades
Et escresisent tot dis apres
Et ensi cil apres le firent
Tot ce quil troverent et virent

B
Mistrent trestot acomplisons
Et acorderent lor raisons
Tant fisent cascun a lor tans
Quil i misent bien .cc. ans
Ancois quil eussent enquises
Les .vii. art et ensanble mises
Mais bien tindrent a enploie
Ce quil en orent traveillie
Car il savoient par lor sens
Quil quil avenoit en lor tans
En terre par sens de nature
quant metre i voloient lor cure
Si ne ses merveilloint pas
Quant il avenoit alcun cas
Merveillous en ciel ou en terre
Car il en savoient en querre
La raison porcoi ce estoit
Puis que par nature avenoit
Et s'en amoient Deu moult plus
Car il veoient tels vertus
Dont il veillierent mainte nuis
Si lor estoit moult grant deduis
Quant si haute cose veoient
Dont il vers deu sen amendoient
Quil conissoient verite
Et laissoient la vanite
De cest siecle qui moult poi vaut
Por avoir joie qui ne faut
Dont maint philosophe qui furent
A tort et sans forfait morurent
Por droiture quil anoncoient
As grans segnors et lor blamoient
Lor malvaistie et lor torture
Et lor preecoient droiture
Et cil qui croire nes voloient
Et qui honor avoir quidoient
De ce qu'ensi les blasmoit on
Si les metoit on en prison
Ou il les faisoient ocire
Dont il sosfrirent le martire
Par droiture et par verite
Dont il orent en irete
Si com li saint qui mort estoient
Qui la loi essauchier voloient
Si orent de ceaus qui par lor sens
Prophetiserent le saint tans
De la venue ihesu Crist
Si comme Virgiles qui dist
Qui fu al tans Cesar de Rome
Dont maint devindrent [p¹?] prudomme

C
Dist cune novele lignie
S'estoit del haut ciel abaisie
Qui en terre feroit vertus
Dont diables seroit souduis
Dont Saint Pol qui vit ses escris
Qui moult prisa lui et ses dis
Dist de lui a cuer irasou
Hei quel grace euse rendu
A Deu se tu eusses vescus
Tant que jo fuisse a toi venus

Altres philosophes i ot
Dont alcuns dist alcon bon mot
Mais ne poons ici pas lire
Tos les biens com en porroit dire
Prudome furent et vaillant
Quant clergie misent avant
Car se par clergie ne fust
Ja ne seust on que deus fust
Et sil ne fuisent si prudome
Ja mais ni eust si grant home

De clergie com il aore
Si peust on veoir encore
Trover apres sil fuissent tel
Se il feroient altre tel
Com cil fisent premierement
Mais clergie va a noient
Si que ?? poi quune perist tote
Et que les gens ne voient goute
Car cil qui deusent entendre
A bien et les autres aprandre

Et doner example de bien
Ce sont cil qui mains font de bien
Et ce par lor folie avient
Car nus clergie pas ne tient
Se nus adroit ne si alie
Il nen retienent fors la lie
Car nus nen quiert fors tant savoir
Quil en puisse conquester avoir
Et quant il a avoir asses
Si vaut pis que devant asez

Car li avoir si sospris la
Qu'il ne puet entendre fors la
Et maint povre qui aprandroient
volentiers se de coi avoient
Ne puent pas issi entendre
Por lor livre quil nont ou prandre
Si nont de coi avoir nul livre
Ains lor covient li riche ont tot saisi
Et li povre en sont tot nuisi

D

Sen i a maint qui riche sont
Qui les grans mons des livres ont
D'uns et d'autres moult aornes
Cainchois qui les tienent asses
Et as bons clers que ne plus quierent
Mais que le los des gens aquierent
Ensi aprendent lor escos
Et font alsi comme li cos
Qui sa viande porchacoit
U fumier u granter aloit
Tant quil trova la riche gemme

Qui de clarte rendoit grant flame
Lors le comence a regarder
Et puis tantost le laisse ester
Car la gemme point ne demande
Mieus aime aquerre sa viande
Ensi est dautres covoiteus
Qui ont les livres precieus
Et aornes et bien et bel
Qui nen regardent fors la pel
Por ce cun poi lor samble beaus
Tant com li livres est novieaus
Si les gardent alcune fois
Por la beaute .ii. fois ou .iii.
Ne plus nen font que le regart
Si s'en retornent dautre part
Si pensent de lor ventre enplir
Et lor fol desir acomplir
Et s'il i voloient entendre
Asses i porroient aprendre
Car le pooir bien en avroient

Et altre tel faire porroient
Com cil fisent cha en ariere
Qui par lor sens et lor maniere
Les troverent premierement
Mais or font fol entendement
Et por ce perissent les ars
Si ca paines set on les pars
Le premier livre de gramaire
Qui des .vii. ars est premier maire
Ains boutent les ars en lor male^s

Si oent lois et decretales
Tantost ou il devienent mire
Por avoir ou malfes semire
(Marginal note: a.)
Nencor nel font pas por savoir
Une costume a a Paris
Qui maint clerc volent avoir apris
Destre maistre et avoir renon
Ne plus nen quierent que le non
(Marginal note: b.)
Tant com por gaaignier avoir

IN USE: no

A
Li autre le lor departoient
Ensi pluisor s'en departoient
Si com miels lor estoit avis
Qui mains en pensaisent tos dis
Si n'en retenoient sans plus
Fors tant seulement par lor us
Et voloient bien retenir
D'aucune gens por aus servir
Si quil nes covenist entendre
A rien nule fors c'a l'aprendre
Lor si faisoient lor maisons
Ensi com en religions
Ensus de gent et se metoient
ensi que ensanble venoient
La semaine .iii. fois ou quatre
Por aus solacier et esbatre
Et rendoient cascoun raison
Solonc la lor entencion
Tant quil avoient espove
Ce que cascuns avoit trove
Et faisoient de celui mastre
Qui plus conoistoit? de lor estre
Et plus estoit de grant sens
Si leslisoient par assens
Et cil recordoint les raisons
Apres cooit?? des compaignons
Et ensamble les recordoit
De ce que mestier lor estoit
Lors metoit cascun en escrit
Ce que li maistres avoit dit
Ensi furent premiers clergies
Controvees et avancies
Tant penserent si com porent
Quil de par Damedeu sorent
De coi tote science naist
Quant ?? partie de cequen est
Mais ne fu mie moult քtans
Ensi i misentmoult lonc tans
Car cil qui premerain estoient
tot ce qu'en lor tans en faisoient
Si en faisoient lor escris
Si com miels lor estoit avis
A ce ont lor entente mis
Car ce lor estoit granss delis
Par ce qui apres eus venissent
Qui entremetre sen volsisent
Tenissent les escris ades
Et escresisent tot dis apres
Et ensi cil apres le firent
Tot ce quil troverent et virent

B
Mistrent trestot acomplisons
Et acorderent lor raisons
Tant fisent cascun a lor tans
Quil i misent bien .cc. ans
Ancois quil eussent enquises
Les .vii. art et ensanble mises
Mais bien tindrent a enploie
Ce quil en orent traveillie
Car il savoient par lor sens
Quil quil avenoit en lor tans
En terre par sens de nature
quant metre i voloient lor cure
Si ne ses merveilloint pas
Quant il avenoit alcun cas
Merveillous en ciel ou en terre
Car il en savoient en querre
La raison porcoi ce estoit
Puis que par nature avenoit
Et s'en amoient Deu moult plus
Car il veoient tels vertus
Dont il veillierent mainte nuis
Si lor estoit moult grant deduis
Quant si haute cose veoient
Dont il vers deu sen amendoient
Quil conissoient verite
Et laissoient la vanite
De cest siecle qui moult poi vaut
Por avoir joie qui ne faut
Dont maint philosophe qui furent
A tort et sans forfait morurent
Por droiture quil anoncoient
As grans segnors et lor blamoient
Lor malvaistie et lor torture
Et lor preecoient droiture
Et cil qui croire nes voloient
Et qui honor avoir quidoient
De ce qu'ensi les blasmoit on
Si les metoit on en prison
Ou il les faisoient ocire
Dont il sosfrirent le martire
Par droiture et par verite
Dont il orent en irete
Si com li saint qui mort estoient
Qui la loi essauchier voloient
Si orent de ceaus qui par lor sens
Prophetiserent le saint tans
De la venue ihesu Crist
Si comme Virgiles qui dist
Qui fu al tans Cesar de Rome
Dont maint devindrent [p¹?] prudomme

C
Dist cune novele lignie
S'estoit del haut ciel abaisie
Qui en terre feroit vertus
Dont diables seroit souduis
Dont Saint Pol qui vit ses escris
Qui moult prisa lui et ses dis
Dist de lui a cuer irasou
Hei quel grace euse rendu
A Deu se tu eusses vescus
Tant que jo fuisse a toi venus

Altres philosophes i ot
Dont alcuns dist alcon bon mot
Mais ne poons ici pas lire
Tos les biens com en porroit dire
Prudome furent et vaillant
Quant clergie misent avant
Car se par clergie ne fust
Ja ne seust on que Deus fust
Et s'il ne fuisent si prudome
Ja mais ni eust si grant home

De clergie com il aore
Si peust on veoir encore
Trover apres sil fuissent tel
Se il feroient altre tel
Com cil fisent premierement
Mais clergie va a noient
Si q[u]^e poi quune perist tote
Et que les gens ne voient goute
Car cil qui deusent entendre
A bien et les autres aprandre

Et doner example de bien
Ce sont cil qui mains font de bien
Et ce par lor folie avient
Car nus clergie pas ne tient
Se nus adroit ne si alie
Il nen retienent fors la lie
Car nus n'n quiert fors tant savoir
Quil en puisse conquester avoir
Et quant il a avoir asses
Si vaut pis que devant asez

Car li avoir si sospris la
Qu'il ne puet entendre fors la
Et maint povre qui aprandroient
volentiers se de coi avoient
Ne puent pas issi entendre
Por lor livre quil nont ou prandre
Si nont de coi avoir nul livre
Ains lor covient li riche ont tot saisi
Et li povre en sont tot nuisi

D

Sen i a maint qui riche sont
Qui les grans mons des livres ont
D'uns et d'autres moult aornes
Cainchois qui les tienent asses
Et as bons clers que ne plus quierent
Mais que le los des gens aquierent
Ensi aprendent lor escos
Et font alsi comme li cos
Qui sa viande porchacoit
U fumier u granter aloit
Tant quil trova la riche gemme

Qui de clarte rendoit grant flame
Lors le comence a regarder
Et puis tantost le laisse ester
Car la gemme point ne demande
Mieus aime aquerre sa viande
Ensi est dautres covoiteus
Qui ont les livres precieus
Et aornes et bien et bel
Qui nen regardent fors la pel
Por ce cun poi lor samble beaus
Tant com li livres est novieaus
Si les gardent alcune fois
Por la beaute .ii. fois ou .iii.
Ne plus nen font que le regart
Si s'en retornent dautre part
Si pensent de lor ventre enplir
Et lor fol desir acomplir
Et s'il i voloient entendre
Asses i porroient aprendre
Car le pooir bien en avroient

Et altre tel faire porroient
Com cil fisent cha en ariere
Qui par lor sens et lor maniere
Les troverent premierement
Mais or font fol entendement
Et por ce perissent les ars
Si ca paines set on les pars
Le premier livre de gramaire
Qui des .vii. ars est premier maire
Ains boutent les ars en lor male^s

Si oent lois et decretales
Tantost ou il devienent mire
Por avoir ou malfes semire
(Marginal note: a.)
Nencor nel font pas por savoir
Une costume a a Paris
Qui maint clerc volent avoir apris
Destre maistre et avoir renon
Ne plus nen quierent que le non
(Marginal note: b.)
Tant com por gaaignier avoir